يران دەلدالدار ارقىلى امەريكا قۇراما شتاتتارى وكىلدەرىنە ورمۋز بۇعازىن اشۋ شارتتارىن جەتكىزدى، دەپ حابارلايدى infohub.kz سايتى.
باسىلىمنىڭ Tasnim-گە سىلتەمە جاساپ حابارلاۋىنشا، ورمۋز بۇعازىندا كەمە قاتىناسىن اشۋ ءۇشىن يران اقش-تان ەلگە قارسى اسكەري وپەراسيانى توقتاتۋدى جانە قاماۋداعى اكتيۆتەردى بوساتۋدى تالاپ ەتەدى. بۇل تۋرالى ەلدىڭ ۇلتتىق قاۋىپسىزدىك جوعارى كەڭەسىنىڭ حاتشىسى موحسەن رەزاي مالىمدەدى.
سونىمەن قاتار، رەزايدىڭ ايتۋىنشا، ليۆان مەن گازا سەكتورىن قوسا العاندا، بۇكىل ايماقتا اسكەري ءىس-قيمىلدار توقتاتىلۋى ءتيىس.
رەزاي دەلدالدار ارقىلى اقش-قا اتالعان تالاپتارعا قاتىسى جوق باسقا دا شارتتار جەتكىزىلگەنىن اتاپ ءوتتى.
«اقش ءوز مىنەز-قۇلقىن وزگەرتىپ، يراننىڭ شارتتارىن قابىلدامايىنشا، ورمۋز بۇعازى اشىلمايدى»، — دەپ اتاپ كورسەتتى ول.
يران شەنەۋنىگى اقش-تى پارسى شىعاناعىنداعى، ورمۋز بۇعازىنداعى جانە ومان شىعاناعىنداعى تۇراقسىزدىقتىڭ كوزى دەپ اتادى. ونىڭ ايتۋىنشا، ۆاشينگتون يرانعا «زاڭسىز سوعىس» تاڭىپ، بۇكىل ايماقتى قاۋىپ-قاتەرگە ۇشىراتتى.