يسلام رەۆوليۋسياسى ساقشىلارى كورپۋسىنىڭ (كسير) وكىلى يراننىڭ اقش-پەن اسكەري قاقتىعىستى تاعى ءۇش جىلعا سوزۋ مۇمكىندىگىن قاراستىرىپ جاتقانىن مالىمدەدى، دەپ حابارلايدى infohub.kz سايتى.
باسىلىمنىڭ دەرەگىنشە، يران مەن اقش اراسىنداعى قاقتىعىستىڭ ىقتيمال سوزىلۋى تۋرالى كسير باس قولباسشىسىنىڭ كەڭەسشىسى، بريگادا گەنەرالى موحامماد رەزا ناگدي ايتقان.
ونىڭ ايتۋىنشا، يران ءوز قاۋىپسىزدىگىن قامتاماسىز ەتۋگە ۇمتىلادى جانە بۇل ماقساتقا جەتۋدىڭ ءبىر جولى — دونالد ترامپتىڭ پرەزيدەنتتىك مەرزىمى اياقتالعانعا دەيىن سوعىستى جالعاستىرۋ.
«ءبىز تەجەۋگە قول جەتكىزۋىمىز كەرەك، سوندا جاۋ بىزگە شابۋىل جاساۋعا ەشقاشان باتىلى جەتپەيدى، ءبىز ءقاۋىپسىز ءومىر سۇرە الامىز. ءبىر جولى — بۇل سوعىستى كەلەسى پرەزيدەنتتىك مەرزىمگە دەيىن سوزىپ، سونداي زالال كەلتىرۋ، ەگەر باسقا بىرەۋ يرانعا شابۋىل جاساعىسى كەلسە، ول بۇل ءۇشىن تولەۋگە تۋرا كەلەتىنىن ءبىلسىن»، — دەدى ناگدي PBS ەفيرىندە، ونىڭ ءسوزىن رەسەيلىك اگەنتتىك اۋدارماسىمەن كەلتىرەدى.
باسىلىم اتاپ وتكەندەي، ترامپتىڭ ەكىنشى پرەزيدەنتتىك مەرزىمى 2029 جىلدىڭ 20 قاڭتارىندا، كەلەسى اقش پرەزيدەنتى انت بەرگەن كەزدە اياقتالادى. بۇل مەرزىم ول ءۇشىن سوڭعى بولادى: اقش كونستيتۋسياسىنىڭ 22-تۇزەتۋىنە سايكەس، ءبىر ادام پرەزيدەنت قىزمەتىن ەكى رەتتەن ارتىق اتقارا المايدى. ترامپ 2016 جانە 2024 جىلدارى سايلاۋدا جەڭىسكە جەتكەن.