تەگەران ۆاشينگتون يسلام رەسپۋبليكاسىنا قارسى اسكەري ارەكەتتەردى قايتا باستاۋدى شەشتى دەگەن اقپاراتقا قول جەتكىزگەنىن مالىمدەپ، كەز كەلگەن جاڭا شابۋىلعا قاتاڭ جاۋاپ بەرۋگە ۋادە ەتتى، دەپ حابارلايدى infohub.kz سايتى.
NUR.KZ اگەنتتىگىنىڭ «انادولۋ» اگەنتتىگىنە سىلتەمە جاساپ حابارلاۋىنشا، «حاتەم ءال-انبيا» ورتالىق شتابىنىڭ قولباسشىلىعى اقش يرانعا قايتا شابۋىل جاساۋدى شەشىپ، ايماقتاعى ءبىرقاتار ەلدىڭ قولداۋىنا يە بولعانى تۋرالى مالىمەتتەر العانىن جاريالادى.
«ەسكەرتەمىز: ەگەر اقش يرانعا قاتىستى تاعى دا قاتەلىك جىبەرسە، ونىڭ ايماقتاعى بارلىق رەسۋرستارى مەن امەريكاندىق كۇشتەر ورنالاسقان جەرلەر ەشقانداي شەكتەۋسىز ءارى ايىرماشىلىقسىز اۋىر سوققىلاردىڭ نىساناسىنا اينالادى. ەگەر قاتەلىك جىبەرسەڭىز، سىزدەر اۋىر سوققىلاردىڭ نىساناسى بولاسىزدار»، — دەلىنگەن وسى اقپارات الىنعاننان كەيىن تاراتىلعان يراندىق اسكەريلەردىڭ مالىمدەمەسىندە.
يراندا سونداي-اق ايماق ەلدەرى اقش-پەن بىرگە يسلام رەسپۋبليكاسىنا قارسى اگرەسسيالىق ارەكەتتەرگە قاتىسسا، ولار سىبايلاس رەتىندە سانالاتىنى ەسكەرتىلدى.
يراننىڭ قۇرلىق اسكەرلەرىنىڭ قولباسشىسى بريگادالىق گەنەرال ءالي جاھانشاھي ەلدىڭ شەكارالىق بولىمشەلەرى ىقتيمال قاۋىپ-قاتەرلەرگە دايىن ەكەنىن مالىمدەدى.