يران ەلىنىڭ وڭتۇستىگىندەگى وڭتۇستىك پارس ايماعىنان 7،5 تريلليون تەكشە فۋتتان استام تابيعي گاز قورى تابىلعانىن حابارلادى. بۇل تۋرالى يراننىڭ مۇناي ءمينيسترى موحسەن پاكنەجاد مەملەكەتتىك تەلەارنا ەفيرىندە مالىمدەدى، دەپ حابارلايدى infohub.kz.
ءمينيستردىڭ ايتۋىنشا، ءوندىرۋ كوەففيسيەنتى 72 پايىزدان اساتىنىن ەسكەرسەك، جاڭا كەن ورنىنىڭ الىناتىن قورى شامامەن 5،7 تريلليون تەكشە فۋتتى قۇرايدى.
پاكنەجاد تابىلعان گاز كولەمى وڭتۇستىك پارستىڭ ءبىر فازاسىنىڭ 15 جىل ىشىندە وندىرە الاتىن وتىن مولشەرىمەن پارا-پار ەكەنىن اتاپ ءوتتى. ونىڭ باعالاۋىنشا، جاڭا قورلار يراننىڭ رەسۋرستىق بازاسىن ايتارلىقتاي نىعايتا الادى.
مينيستر بۇل «قۇرعاق گاز» ەكەنىن، ونى تىكەلەي نەمەسە ازداپ تازارتۋدان كەيىن تاسىمالداۋعا بولاتىنىن اتاپ كورسەتتى. بۇل كەن ورنىن يگەرۋگە جانە كەيىن پايدالانۋعا كەتەتىن شىعىنداردى ازايتۋعا مۇمكىندىك بەرەدى دەپ كۇتىلۋدە.
سونىمەن قاتار، تابيعي گازبەن بىرگە ايتارلىقتاي كولەمدە گاز كوندەنساتى دا تابىلدى. پاكنەجاد جاڭا رەسۋرستاردىڭ جالپى ەكونوميكالىق قۇندىلىعى ونداعان ميلليارد دوللاردى قۇراۋى مۇمكىن ەكەنىن مالىمدەدى.