يران حاكەرلەرى ۇلىبريتانياداعى شاعىن ەلەكتر ستانسياسىن ءتورت كۇنگە ىستەن شىعاردى. ەلدىڭ ەنەرگيامەن جابدىقتاۋىندا ءۇزىلىس بولعان جوق، دەپ حابارلايدى infohub.kz سايتى.
The Telegraph دەرەكتەرىنە سايكەس، بۇل يسلام رەۆوليۋسياسى ساقشىلارى كورپۋسىنا قاتىسى بار حاكەرلەردىڭ بريتانياداعى ەلەكتر ستانسياسىنىڭ جۇمىسىن توقتاتا العان العاشقى جاعداي بولۋى مۇمكىن. نىساننىڭ اتاۋىن بيلىك قاۋىپسىزدىك ماقساتىندا جاريالامايدى. ول قىزمەتكەرلەر جۇمىسىن قالپىنا كەلتىرگەنشە ءتورت كۇن بويى وشىرىلگەنى بەلگىلى.
ۇلىبريتانيا ۇكىمەتى بۇل وقيعا ەلدىڭ ەنەرگيا جۇيەسىنە اسەر ەتپەگەنىن اتاپ ءوتتى. «بۇل وقيعا شاعىن ەنەرگيا ءوندىرۋ نىسانىنا اسەر ەتتى جانە ەشقاشان بۇكىل ەنەرگيا جۇيەسىنە ءقاۋىپ تونگەن جوق»، – دەدى ۇكىمەت وكىلى.
شابۋىلدان كەيىن بيلىك ەنەرگەتيكالىق كومپانيالاردىڭ باسشىلارىن حاباردار ەتىپ، بيزنەسكە قورعانىستى كۇشەيتۋ بويىنشا ۇسىنىستار جىبەردى. ۇلىبريتانيانىڭ ۇلتتىق كيبەرقاۋىپسىزدىك ورتالىعى (NCSC) ناقتى وقيعاعا تۇسىنىكتەمە بەرۋدەن باس تارتتى. شابۋىلدىڭ ىقتيمال ماقساتى ازاماتتىق تۇرعىندارعا ناقتى زيان كەلتىرۋ ەمەس، يران حاكەرلەرىنىڭ مۇنداي وپەراسيالاردى جۇرگىزۋگە قابىلەتتى ەكەنىن كورسەتۋ بولدى.