يراندا اقش اسكەري قىزمەتكەرلەرىن جويۋ نەمەسە تۇتقىنعا الۋ ءۇشىن اقشالاي سىياقى جاريالاندى. سوما 60 مىڭ دوللارعا جەتۋى مۇمكىن، دەپ حابارلايدى infohub.kz سايتى.
ريا نوۆوستي يراننىڭ مەملەكەتتىك تەلەراديوكومپانياسى IRIB-كە سىلتەمە جاساپ، ءاربىر ولتىرىلگەن نەمەسە تۇتقىنعا الىنعان امەريكان سولداتى ءۇشىن سىياقى تۋرالى يران ارمياسىنىڭ قولباسشىسى ءامىر حاتامي مالىمدەگەنىن حابارلايدى.
«قارجىلىق دجيحادقا قاتىسۋعا وتىنىمدەردىڭ كوپتىگىن ەسكەرە وتىرىپ، امەريكان سولداتىن ولتىرگەن نەمەسە تۇتقىنعا العان ادامعا يران ارمياسى 30 مىڭ دوللار كولەمىندە سىياقى تابىس ەتەتىن جوسپار ازىرلەندى. بۇل ىستە تابىسقا جەتكەن يراندىق ايەلدەر ەكى ەسە سىياقى الادى»، — دەدى حاتامي.
امەريكان اسكەريلەرىنە شابۋىل جاسالاتىن قارۋ يران ارمياسى تاراپىنان نارىقتىق باعادان ەكى ەسە قىمبات باعامەن ساتىپ الىناتىنى، ونىڭ ورنىنا جاڭا قارۋ-جاراق بەرىلەتىنى اتاپ ءوتىلدى.
بۇعان دەيىن اقش پرەزيدەنتى دونالد ترامپ ورمۋز بۇعازىن امەريكا قۇراما شتاتتارىنىڭ اۋماعى دەپ جاريالاۋ نيەتىن بىلدىرگەن ەدى. بۇعان جاۋاپ رەتىندە يران ارمياسىنىڭ قولباسشىسى اقش-تى ءوز اۋماعىنان «قۋىپ شىعاتىنىن» جانە پارسى مەن ومان شىعاناقتارىنا، سونداي-اق ورمۋز بۇعازىنا كىرۋگە تىيىم سالاتىنىن مالىمدەدى.