يران بيلىگى قاڭتار ايىنداعى نارازىلىقتار كەزىندە ءتورت پوليسيا قىزمەتكەرىن ولتىرگەن ەكى ادامدى دارعا استى، دەپ حابارلايدى infohub.kz سايتى.
مەملەكەتتىك باق-تىڭ حابارلاۋىنشا، ەكى ادام يسفاحان قالاسىندا پوليسيا بەكەتىن ورتەپ، مەملەكەتتىك م ۇلىككە زاقىم كەلتىرگەنى ءۇشىن دە سوتتالعان. ولاردىڭ ەسىمى – ابولفازل سەپاحي بادجاني جانە ءامىر حوسسەين سافاري حوسسەينابادي.
بۇل ەكەۋى – قاڭتار ايىنداعى بۇكىل ەلدى جايلاعان نارازىلىقتاردى باسۋ كەزىندە تۇتقىندالعان ونداعان مىڭ ادامنىڭ ىشىنەن ەڭ سوڭعى دارعا اسىلعاندار. قۇقىق قورعاۋشىلاردىڭ مالىمەتىنشە، تاعى ءبىراز ادام ءولىم جازاسىنا كەسىلۋى مۇمكىن. نارازىلىقتار جەلتوقسان ايىنىڭ سوڭىنان قاڭتارعا دەيىن سوزىلىپ، قاۋىپسىزدىك كۇشتەرى تاراپىنان قاتاڭ باسىلدى.
شىلدە ايىندا يران وسى ءىس بويىنشا تاعى ەكى ادامدى دارعا اسقان ەدى.
يران بيلىگى نارازىلىقتار كەزىندە قازا تاپقاندار سانىن 3 مىڭنان استام دەپ كورسەتكەن. ال قۇقىق قورعاۋشىلار بۇل كورسەتكىشتى 7 مىڭنان استام دەپ باعالايدى.