يران مەن ومان ورمۋز بۇعازىندا كەمە قاتىناسىن قايتا جانداندىرۋ جوسپارىن كەلىستى، دەپ حابارلايدى infohub.kz سايتى.
Bild باسىلىمىنىڭ حابارلاۋىنشا، جوسپار بويىنشا قوزعالىس ەكى بولەك باعىت بويىنشا قالپىنا كەلتىرىلەدى: شىعاناققا بەت العان كەمەلەر يراننىڭ جاعالاۋ سۋلارى ارقىلى، ال شىعاناقتان شىعاتىن قۇرعاق جۇك كەمەلەرى ومان جاعالاۋىمەن جۇرەدى.
ماتەريالدا تەگەراننىڭ ەلەۋلى ارتىقشىلىق الاتىنى اتاپ وتىلگەن: ەل كىرەتىن كەمەلەر اعىنىن باقىلاي الادى، ءبىراق مىندەتتى الىمداردى الۋ قۇقىعىنا يە بولمايدى. دەگەنمەن، قاۋىپسىزدىكتى قامتاماسىز ەتۋ جانە ىزدەۋ-قۇتقارۋ وپەراسيالارىن جۇرگىزۋ ءۇشىن ەرىكتى تولەمدەرگە جول بەرىلەدى.
باسىلىم مامىلەنىڭ جاسالۋى ءالى كەپىلدەنبەگەنىن، ويتكەنى اقش پەن باسقا مەملەكەتتەردىڭ ماقۇلداۋى قاجەت ەكەنىن ناقتىلادى. سونىمەن قاتار، تەگەران ۆاشينگتون ازىرگە جاريالانباعان شارتتاردى ورىنداعان جاعدايدا عانا ورمۋز بۇعازى اشىلاتىنىن ءتۇسىندىردى. بولجام بويىنشا، بۇل يراننىڭ مۇناي ەكسپورتىن توقتاتىپ، ەل ەكونوميكاسىنا وراسان زور قىسىم كورسەتىپ وتىرعان اقش تاراپىنان يران پورتتارىنا سالىنعان بلوكادانى الۋ تۋرالى بولۋى مۇمكىن. سونىمەن قاتار، مامىلەنى يسلام رەۆوليۋسياسى ساقشىلارى كورپۋسىنداعى قاتاڭ باعىتتاعىلار بۇزۋى مۇمكىن.