تەگەران ورمۋز بۇعازىندا عانا ەمەس، ايماقتاعى مۇناي جەتكىزۋدىڭ باسقا دا باعىتتارىندا تانكەرلەرگە شابۋىل جاساۋعا دايىن، دەپ حابارلايدى infohub.kz سايتى.
ربك-نىڭ IRNA اگەنتتىگىنە سىلتەمە جاساعان مالىمەتىنشە، يران ۇلتتىق قاۋىپسىزدىك جوعارعى كەڭەسىنىڭ حاتشىسى موحسەن رەزاي، ەگەر ايماق ەلدەرى اقش-تىڭ تەگەرانعا قارسى سانكسيالارىن قولداسا، پارسى شىعاناعىنان مۇناي جەتكىزۋدى بۇعاتتاۋ ءقاۋپىن ءتوندىردى.
ونىڭ ايتۋىنشا، يران پارسى شىعاناعى ەلدەرىنىڭ اقش جاعىنا شىعىپ، يسلام رەسپۋبليكاسىنىڭ مۇددەسىنە زيان كەلتىرە وتىرىپ، پارسى شىعاناعىنان مۇناي ەكسپورتتاۋىنا جول بەرە المايدى.
رەزاي مۇنداي جاعدايدا يران «ورمۋز بۇعازى ارقىلى عانا ەمەس، جالپى پارسى شىعاناعىنان ءبىر تامشى مۇنايدىڭ دا شىعۋىنا جول بەرمەيتىنىن» مالىمدەدى. «ءقازىر ءبىز ورمۋز بۇعازىن جاۋىپ تاستادىق جانە پارسى شىعاناعىنداعى مۇنايعا باعىتتالماعانبىز، ويتكەنى ول باسقا باعىتتارمەن ەكسپورتتالادى، ءبىراق ءبىز ونى دا نىساناعا الامىز»، — دەپ ەسكەرتتى ول.
رەزاي سونداي-اق ۆاشينگتوننىڭ قاقتىعىستا ءوز جاعىنا شىققان ەلدەردى اقىرىندا تاستاپ كەتەتىنىن اتاپ ءوتتى. ول اقش اراب ەلدەرى ءۇشىن ءوز ساربازدارىنىڭ ءومىرىن سوڭىنا دەيىن قۇربان ەتەدى دەپ ويلاماۋعا شاقىردى.
ەسكە سالايىق، بۇعان دەيىن اقش پرەزيدەنتى دونالد ترامپ يرانعا قارسى «جويقىن ەكونوميكالىق وپەراسيانىڭ» باستالعانىن جاريالاپ، باسقا ەلدەرگە ەسكەرتۋ جاساعان بولاتىن.