يراننىڭ حورموزگان پروۆينسياسىنداعى ۇيلەنۋ تويىنا جاسالعان شابۋىل سالدارىنان بىرنەشە ادام قازا تاۋىپ، 70-كە جۋىق ادام جاراقات الدى، دەپ حابارلايدى infohub.kz.
وقيعا يراننىڭ وڭتۇستىگىندەگى حورموزگان پروۆينسياسىندا بولدى. بيلىك مالىمەتىنشە، شابۋىلدى اقش جاساعان. يراندىق رەسمي وكىلدەر ءتورت ادامنىڭ قازا تاپقانىن حابارلادى، الايدا كەيبىر ب ا ق يران قىزىل جارتى ايىنا سىلتەمە جاساپ، بەس قۇربان بولعانىن ايتادى.
پروۆينسيا اكىمىنىڭ ورىنباسارى احماد نافيس 68 ادامنىڭ جاراقات العانىن مالىمدەدى.
يران پارلامەنتىنىڭ ۇلتتىق قاۋىپسىزدىك جانە سىرتقى ساياسات كوميتەتىنىڭ ءتوراعاسى ەبراحيم ازيزي تەگەران اقش-تىڭ تويعا جاساعان شابۋىلىن جازاسىز قالدىرمايتىنىن اتاپ ءوتتى. «كۋحەستاكتاعى تويعا جاسالعان شابۋىل جانە بەيبىت تۇرعىنداردىڭ ءولتىرىلۋى — ادام قۇقىعىن قورعاۋشى دەپ كورىنەتىندەردىڭ تولىق ۇمىتسىزدىگىنىڭ دالەلى؛ بۇل ولاردىڭ ميناب پەن لامەردەدە جاساعان قاتىگەزدىكتەرىنىڭ قايتالانۋى. ەشقانداي يلليۋزياعا بەرىلمەڭىزدەر: بۇل قىلمىستار جازاسىز قالمايدى. يران قارۋلى كۇشتەرىنىڭ جويقىن كۇشىنەن كىنالىلەردى ەشتەڭە قۇتقارا المايدى»، — دەدى ول.