يران پارلامەنتىنىڭ سپيكەرى موحامماد باگەر گاليباف اقش پرەزيدەنتى دونالد ترامپتىڭ اكىمشىلىگىن «كلوۋندار» دەپ اتاپ، سىنعا الدى، دەپ حابارلايدى infohub.kz.
يران پارلامەنتىنىڭ سپيكەرى موحامماد باگەر گاليباف دونالد ترامپتىڭ كومانداسى تۋرالى پىكىرىن ح الەۋمەتتىك جەلىسىندە ءبىلدىردى. ول جازباسىندا تەگەرانعا قاتتى قىسىم كورسەتۋ ارقىلى ۆاشينگتون ەشقانداي جەڭىلدىككە قول جەتكىزە المايتىنىن ايتتى.
«بەسسەنت (اقش قارجى ءمينيسترى — رەد.) مەن حەگسەت (اقش قورعانىس ءمينيسترى — رەد.) مۇلدەم قۇزىرەتسىز. كلوۋندار توبىنىڭ قالپاقتان قويان شىعارىپ، وزدەرىڭىز جاساعان بىلىقتى تازالايتىنىن كۇتۋدى قويىڭىز»، — دەپ جازدى گاليباف.
ەسكە سالايىق، بۇعان دەيىن اق ءۇيدىڭ باسشىسى دونالد ترامپ Truth Social الەۋمەتتىك جەلىسىندە «اقش-تىڭ جاڭا اۋماعى» دەگەن جازۋى بار ورمۋز بۇعازىنىڭ كارتاسىن جاريالاعان ەدى.
بۇعان جاۋاپ رەتىندە يران ءسىم باسشىسىنىڭ ورىنباسارى كازەم گاريبابادي يران اقش پرەزيدەنتىنىڭ «قاتە تۇسىنىكتەرىن تۇزەتەتىنىن» مالىمدەدى. سونىمەن قاتار، امەريكاندىق پرەزيدەنت اقش پەن يران اراسىندا ءقازىر ەشقانداي كەلىسسوز جۇرگىزىلمەيتىنىن جانە جوسپارلانبايتىنىن ايتتى.