يران سىرتقى ىستەر مينيسترلىگىنىڭ ورىنباسارى كازەم گاريبابادي اقش پرەزيدەنتى دونالد ترامپتىڭ ورمۋز بۇعازىن امەريكانىڭ جاڭا اۋماعى دەپ اتاعان مالىمدەمەسىنە تۇسىنىكتەمە بەردى، دەپ حابارلايدى infohub.kz.
بۇعان دەيىن اق ءۇي باسشىسى ورمۋز بۇعازى «اقش-تىڭ جاڭا اۋماعى» دەپ جازىلعان كارتانى جاريالاعان ەدى. گاريبابادي بۇل جاريالانىمنىڭ سكرينشوتىن ورنالاستىرىپ، يران امەريكاندىق كوشباسشىنىڭ «قاتە تۇسىنىكتەرىن تۇزەتەتىنىن» مالىمدەدى.
«جاقىن ارادا ونىڭ ورمۋز تۋرالى قاتە تۇسىنىگى نە ءوزى تۇزەلەدى، نە ءبىز بۇل ەلەسپەن ءومىر ءسۇرىپ جاتقان ادامنىڭ قاتە تۇسىنىكتەرىن ءوزىمىز تۇزەتەمىز»، — دەپ جازدى ديپلومات الەۋمەتتىك جەلىدەگى X پاراقشاسىندا.
ەسكە سالايىق، 15 تامىزدا ترامپ جاقىن ارادا ورمۋز بۇعازىن اقش اۋماعى دەپ جاريالاۋ نيەتىن بىلدىرگەن بولاتىن. ال كەشە ول ومان بۇل ماسەلە بويىنشا يرانمەن كەلىسسوزدەرگە كەدەرگى كەلتىرسە، ەلگە سوققى جاسايمىن دەپ قورقىتتى.