تەگەران يراننىڭ كاسپي تەڭىزىندەگى ساۋدا كەمەسىنە جاسالعان سوققىدان كەلتىرىلگەن زالالدىڭ وتەلۋىن تالاپ ەتىپ وتىر. بۇل تۋرالى يران سىرتقى ىستەر ءمينيسترى ابباس اراكچي ۋكراينالىق ارىپتەسى اندرەي سيبيگامەن اڭگىمەلەسۋدەن كەيىن مالىمدەدى، دەپ حابارلايدى infohub.kz سايتى.
اراكچي ۋكراينالىق ءمينيستردىڭ شابۋىلدىڭ قاساقانا ەمەس ەكەنىنە جانە كيەۆتىڭ جانجالدى كۇشەيتۋ نيەتى جوق ەكەنىنە سەندىرگەنىن اتاپ ءوتتى. «يران دا شيەلەنىستى ارتتىرۋعا ۇمتىلمايدى. دەگەنمەن، ءبىز ازاماتتارىمىزعا نەمەسە مۇددەلەرىمىزگە قارسى كەز كەلگەن شابۋىلداردىڭ قابىلدانبايتىنىن ناقتى ايتتىق. كەلتىرىلگەن زالال وتەلۋى ءتيىس»، — دەدى اراكچي. ءوز تاراپىنان اندرەي سيبيگا يران تاراپىن شيەلەنىستى كۇشەيتەتىن قادامداردان باس تارتۋعا جانە رەسەيدى قولداۋدى توقتاتۋعا شاقىرعانىن حابارلادى. ول ۋكراينانىڭ ارەكەتتەرى قورعانىس سيپاتىندا ەكەنىن اتاپ ءوتتى.
ەسكە سالا كەتەيىك: 25 شىلدەدە ۋكراين كۇشتەرى كاسپي تەڭىزىندە يراندىق ساۋدا كەمەسىنە سوققى بەردى. بورتتاعى جارىلىس سالدارىنان ەكيپاجدىڭ ءبىر مۇشەسى قازا تاۋىپ، تاعى بىرەۋى جارالاندى.