يسلام رەۆوليۋسياسى كۇزەت كورپۋسى اقش-تىڭ F-15 جويعىش ۇشاعىن جويىپ، Amazon دەرەكتەر ورتالىعىنا سوققى بەرگەنىن مالىمدەدى، دەپ حابارلايدى infohub.kz.
يران تاراپىنىڭ مالىمەتىنشە، سوققى يوردانياداعى اقش اسكەري بازاسىنا جاسالعان. ونداعى انگاردا F-15 جويعىش ۇشاعى جويىلىپ، اۋە قورعانىس جۇيەسىنىڭ رادارى زاقىمدانعان. سونداي-اق، تەگەران باحرەيندەگى Amazon دەرەكتەر ورتالىعىنىڭ ينفراقۇرىلىمىنا شابۋىل جاسالعانىن جانە سيريانىڭ وڭتۇستىگىندەگى اقش-تىڭ ات-تانف نىسانىنىڭ ب ۇلىنگەنىن حابارلادى.
باحرەين بيلىگى يراننىڭ بىرنەشە زىمىرانىن ۇستاپ قالعانىن، ءبىراق يران مالىمدەگەن زاقىمدارعا تۇسىنىكتەمە بەرمەگەنىن جەتكىزدى.
بۇعان دەيىن يران اسكەرى كۋۆەيتتەگى اقش بازاسىنداعى HIMARS جۇيەلەرىنە سوققى بەرگەنى، ال ومان جاعالاۋىنداعى تانكەرگە بەلگىسىز سنارياد تيگەنى حابارلانعان بولاتىن. بۇل تۋرالى بريتاندىق تەڭىز ساۋدا وپەراسيالىق ورتالىعى مالىمدەگەن.