يراننىڭ يسفاحان قالاسىنىڭ باس الاڭىندا قاڭتارداعى نارازىلىقتارعا قاتىسقانى ءۇشىن سوتتالعان ەكى ادام جاريا تۇردە ءولىم جازاسىنا كەسىلدى. بۇل تۋرالى infohub.kz سايتى حابارلايدى.
ب ا ق مالىمەتىنشە، ابولفازل سەپاحي مەن امير حوسەين سافاري بىرنەشە باپ بويىنشا كىنالى دەپ تانىلعان: «سىبايلاس جەمقورلىقتى تاراتۋ»، «سوعىس جۇرگىزۋ»، «قوعامدا قورقىنىش پەن قاۋىپسىزدىكتىڭ جوقتىعى اتموسفەراسىن تۋدىرۋ»، «ۇلتتىق قاۋىپسىزدىككە قارسى ارەكەت ەتەتىن توپتارعا قاتىسۋ»، «قوعامدىق ءتارتىپتى بۇزۋ ماقساتىندا مەملەكەتتىك م ۇلىككە زيان كەلتىرۋ»، سونداي-اق «ءتورت قاۋىپسىزدىك كۇشتەرى قىزمەتكەرىنىڭ قازاسىنا اكەلگەن وقيعالارعا قاتىسۋ».
يراننىڭ جوعارعى سوتى اپەللياسيانى قاراپ، ءولىم جازاسىن كۇشىندە قالدىردى. Euronewsء-تىڭ حابارلاۋىنشا، ءولىم جازاسى تاڭەرتەڭ جەرگىلىكتى تۇرعىنداردىڭ كوز الدىندا ورىندالدى. ەكەۋى دە جىل باسىنداعى نارازىلىقتاردى قاتاڭ باسۋدان كەيىن ءولىم جازاسىنا كەسىلگەن 12 ادامنىڭ تىزىمىنە ەنگەن.
ەسكە سالايىق، يراندا گيپەرينفلياسيا اياسىنداعى نارازىلىقتار بىرنەشە اپتاعا سوزىلعان ەدى. دەمونسترانتتار تەگەران مەن باسقا ءىرى قالالاردىڭ كوشەلەرىنە شىقتى. يراننىڭ ۇلتتىق قاۋىپسىزدىك جوعارعى كەڭەسى اقش پەن ءيزرايلدى يسلام رەسپۋبليكاسىنداعى تارتىپسىزدىكتەردى ۇيىمداستىرۋدا ايىپتادى.