قازاقستاندىق ءانشى تورەعالي تورەالىنىڭ جارى تولقىن تۇراربەك قىزى جەتىنشى ءسابيىن دۇنيەگە اكەلگەننەن كەيىن الەۋمەتتىك جەلىدە جۇرەك تەبىرەنتەر جازبا جاريالادى.
انا بولۋدىڭ ەڭ قيىن ءارى سەزىمگە تولى ءساتىن تولقىن بىلاي سيپاتتادى: «انانىڭ بويىنداعى قورقىنىش پەن ءۇمىت قاتار جۇرەتىن قانداي ءسات... ىشتەي ءوزىمدى بارىنە دايىنداپ كەلە جاتىرمىن. سول ساتتە كوز الدىما تەك بالالارىم كەلە بەردى. ولارعا امان-ەسەن ورالۋدىڭ وسىنشالىقتى باقىت ەكەنىن ءتۇسىندىرىپ قويادى عوي»، - دەپ جازدى ول.
سونداي-اق تولقىن قيىن كەزەڭدە يمانعا كەلگەنىن دە جاسىرمادى. «اللانىكى ەكەنىمدى وسى ەكى ءومىردىڭ ورتاسىندا قاتتى سەزىندىم. كۇندەلىكتى ومىردە اۋىز سويلەي بەرەدى ەكەن»، - دەدى ول كوزىنە جاس الىپ.
ايتا كەتەيىك، 7 ءساۋىر كۇنى تورەعالي تورەالى جەتىنشى رەت اكە اتاندى. وتباسىندا قىز بالا دۇنيەگە كەلگەن. دارىگەرلەردىڭ ايتۋىنشا، بۇل تولقىن ءۇشىن ءتورتىنشى كەسار تىلىگى بولعان. قازىرگى تاڭدا انا مەن ءسابيدىڭ جاعدايى جاقسى.