يسپانيا مادريد ايماعى مەن كورشىلەس اۆيلا پروۆينسياسىنداعى اۋقىمدى ورمان ورتىنە بايلانىستى ۇلتتىق دەڭگەيدە توتەنشە جاعداي جاريالادى. شەشىم ورتپەن كۇرەسۋگە قوسىمشا كۇش پەن رەسۋرستاردى جۇمىلدىرۋعا مۇمكىندىك بەرەدى، ال وپەراسيا باسشىلىعى اسكەريلەرگە بەرىلدى، دەپ حابارلادى infohub.kz سايتى.
ەڭ كۇردەلى جاعداي ءمادريدتىڭ باتىسىندا بايقالادى، وندا 10 مىڭعا جۋىق ادام ۇيلەرىن تاستاپ كەتتى. بيلىك مالىمەتىنشە، ءورت 125 مىڭ گەكتارعا جۋىق وسىمدىكتى جويدى.
ساراپشىلاردىڭ ايتۋىنشا، ءورتتىڭ تەز تارالۋىنا قىستا جانە كوكتەمدە جاۋعان مول جاۋىن-شاشىن سەبەپ بولعان. ول ءشوپ، بۇتالار مەن اعاش استى وسىمدىكتەرىنىڭ قارقىندى وسۋىنە اسەر ەتكەن. جازعى ىستىقتا بۇل وسىمدىكتەر كەۋىپ، تەز تۇتاناتىن وتىنعا اينالعان.
فرانسيادا دا جاعداي كۇردەلى بولىپ تۇر. ۆار دەپارتامەنتىندە ءۇش كۇن ىشىندە ءورت 2،3 مىڭ گەكتاردان استام ورماندى جويدى. پروۆانس ايماعىنداعى كوتينياك اۋىلىنىڭ تۇرعىندارى شۇعىل تۇردە ەۆاكۋاسيالاندى: پوليسيا ادامداردى كىدىرمەي، ارتىق زات الماي ۇيلەرىن تاستاپ كەتۋگە شاقىردى، ال جەكە كولىگى جوق تۇرعىندار ءۇشىن اۆتوبۋستار ۇيىمداستىرىلدى. قازىرگى ۋاقىتتا كوتينياك ماڭىنداعى ءورتتى وقشاۋلاۋعا قول جەتكىزىلدى.
جىل باسىنان بەرى فرانسيادا 45 مىڭ گەكتاردان استام ورمان ورتەنىپ كەتتى — بۇل 2025 جىلدىڭ تولىق كورسەتكىشىنەن اسىپ ءتۇستى، سول جىلى ءورت 36 951 گەكتاردى جويعان بولاتىن. ەل بيلىگى تابيعي ورتتەرمەن كۇرەسۋ ءۇشىن ەۋروپالىق وداق سەرىكتەستەرىنە كومەك سۇراپ جۇگىندى.