مادريدتە فۋتبولدان وتكەن الەم چەمپيوناتىنداعى جەڭىس قۇرمەتىنە ۇيىمداستىرىلعان شەرۋگە يسپانيا قۇراماسىن شامامەن 2 ميلليون ادام قارسى الدى، دەپ حابارلايدى infohub.kz.
باسىلىم مالىمەتىنشە، يسپانيا قۇراماسى الەم چەمپيوناتىنان كەيىن مادريدكە ۇشىپ كەلگەن. ويىنشىلار مەن جاتتىقتىرۋشىلار يسپانيا كورولى فيليپپ VI جانە كورول وتباسىنىڭ باسقا مۇشەلەرىمەن كەزدەسىپ، سونداي-اق يسپانيا پرەمەر-مينيسترى پەدرو سانچەستىڭ قابىلداۋىندا بولدى.
رەسمي ءىس-شارالاردان كەيىن مادريد كوشەلەرىندە اۆتوبۋس شەرۋى ءوتتى. يسپانيا ۇكىمەتىنىڭ مادريدتەگى وكىلدىگىنىڭ دەرەگىنشە، شەرۋگە قاتىسقان جانكۇيەرلەر سانى ەكى ميلليونعا جەتكەن.
ەسكە سالا كەتەيىك، يسپانيا قۇراماسىنىڭ فۋتبولشىلارى 2026 جىلعى الەم چەمپيوناتىنىڭ فينالىندا ارگەنتينا كومانداسىن جەڭدى. چەمپيونات اقش، كانادا جانە مەكسيكادا ءوتتى. لۋيس دە لا فۋەنتە باستاعان يسپانيا قۇراماسى 1:0 ەسەبىمەن جەڭىسكە جەتىپ، ەكىنشى رەت الەم چەمپيونى اتاندى. كوماندا العاشقى تيتۋلىن 2010 جىلى وڭتۇستىك افريكادا جەڭىپ العان بولاتىن.