يسپانيانىڭ المەريا پروۆينسياسىنداعى ورمان ورتىنەن قازا تاپقاندار سانى 13-كە جەتتى. قايتىس بولعانداردىڭ كوبى — شەتەل ازاماتتارى. ونىڭ ۇستىنە ونداعان ادام حابار-وشارسىز كەتتى. بۇل تۋرالى infohub.kz سايتى Reuters اگەنتتىگىنە سىلتەمە جاساپ حابارلادى.
ورمان ءورتى يسپانيانىڭ وڭتۇستىك-شىعىسىندا وتكەن اپتادا توتەنشە ىستىق اۋا رايى كەزىندە باستالعان. ءقازىر ءورتتىڭ شىعۋ سەبەپتەرى تەرگەلۋدە. ءبىر بولجام بويىنشا، ءورت ەلەكتر كابەلىنىڭ جولعا قۇلاۋىنان پايدا بولعان.
ءورت شامامەن 7 مىڭ گەكتار جەردى شارپىدى. بيلىك بۇل ءورتتى ەلدەگى سوڭعى جىلدارداعى ەڭ قاۋىپتىلەردىڭ ءبىرى دەپ اتادى.