يتاليا الپىسىندەگى انومالدى ىستىق ستەلۆيو مۇزدىعىنداعى جازعى شاڭعى ماۋسىمىنىڭ مەرزىمىنەن بۇرىن اياقتالۋىنا سەبەپ بولدى. ەكسترەمالدى تەمپەراتۋرا تراسسالاردى ءقاۋىپتى ەتكەندىكتەن، كۋرورت جۇمىسىن توقتاتۋعا ءماجبۇر بولدى، دەپ حابارلايدى infohub.kz.
Bild مالىمەتىنشە، كۇندىز مۇزدىقتا تۇندە قاتىپ ۇلگەرمەيتىندەي ىستىق بولادى. ۇيىمداستىرۋشىلار تاۋەكەلگە بارماۋدى ءجون كوردى، ويتكەنى مۇنداي جاعدايدا شاڭعى تراسسالارى ادام ءومىرى مەن دەنساۋلىعىنا ءقاۋىپ توندىرەدى.
ستەلۆيو مۇزدىعى ەۋروپادا جازعى كەزەڭدە جۇمىس ىستەگەن سوڭعى تاۋ شاڭعىسى كۋرورتى ەدى. ادەتتە مۇندا جىلدىڭ جىلى مەزگىلىندە دە شاڭعى تەبۋگە بولاتىن.
قازىرگى ىستىق بۇكىل ەۋروپا ءۇشىن مەتەوباقىلاۋ تاريحىنداعى ەڭ جوعارى كورسەتكىش بولدى. قۋاڭشىلىق سالدارىنان رەين وزەنى تارتىلىپ، فرانسيادا تاريحتاعى ەڭ ىستىق 50 كۇن تىركەلسە، شۆەيساريادا سۋ تاپشىلىعىنا بايلانىستى كوگالداردى سۋارۋعا تىيىم سالىنىپ، باسسەيندەر جابىلدى. ساراپشىلاردىڭ باعالاۋىنشا، مۇنداي اۋا رايىنان تەك فرانسيانىڭ ءوزى 15 ملرد ەۋروعا (شامامەن 8،04 ترلن تەڭگە) شىعىنعا ۇشىراۋى مۇمكىن.
بۇعان دەيىن «كۋرسيۆ» ەۋروپادا 2026 جىلى انومالدى ىستىقتان قازا تاپقاندار سانى 25 مىڭنان اسقانىن حابارلاعان. ەكسترەمالدى جوعارى تەمپەراتۋرا تولقىندارىنىڭ توقتاماۋىنا بايلانىستى ارتىق ءولىمنىڭ ناقتى كورسەتكىشتەرى ودان دا جوعارى بولۋى مۇمكىن، ويتكەنى رەسمي ستاتيستيكا كەشىگىپ كەلەدى.