يتاليادا پوليسيا پارما ماڭىنداعى مانياني-روككا قورىنىڭ جەكە مۇراجايىنان ناۋرىز ايىندا ۇرلانعان رەنۋار، ماتيسس جانە سەزانننىڭ كەنەپتەرىن تاپتى، دەپ حابارلايدى infohub.kz سايتى.
فرانسۋز سۋرەتشىلەرى پەر وگيۋست رەنۋار، پول سەزانن جانە انري ءماتيسستىڭ كارتينالارى كۇدىكتىلەردىڭ ءبىرىنىڭ ۇيىنەن تابىلدى. پارما پوليسيا باستىعى اندرەا پاليارونىڭ ايتۋىنشا، ءىس بويىنشا مولدوۆانىڭ توعىز ازاماتى ءوتىپ جاتىر، ونىڭ بەسەۋى ۇرلىققا قاتىسقان دەگەن كۇدىككە ىلىنگەن.
ماسەلە رەنۋاردىڭ كەيىنگى جۇمىسى «بالىقتار»، سەزانننىڭ قارىنداشپەن جانە اكۆارەلمەن سالىنعان «شيەلى ناتيۋرمورت» جانە ءماتيسستىڭ «تەرراساداعى وداليسكا» اكۆارەلى تۋرالى بولىپ وتىر. ولاردىڭ شامامەن نارىقتىق قۇنى تيىسىنشە 3 ملن، 6 ملن جانە 20 مىڭ ەۋروعا باعالانادى.
ەسكە سالايىق، ۇرلىق 22-نەن 23 ناۋرىزعا قاراعان ءتۇنى بولعان. پوليسيا دەرەكتەرى بويىنشا، بەتتەرىن كاپيۋشونمەن جاسىرعان ۇرىلار كىرەبەرىس ەسىكتى بۇزىپ، كەنەپتەردى الىپ، قاشىپ كەتكەن. ۇرلىق ءدال ءۇش مينۋتقا سوزىلعان.
مۇراجايعا يەلىك ەتەتىن مانياني-روككا قورى بۇل جوسپارلانعان قىلمىس ەكەنىن، ءبىراق بەينەباقىلاۋ جۇيەسى مەن پوليسيا مەن كۇزەتتىڭ جەدەل ارالاسۋىنىڭ ارقاسىندا ول ءارى قاراي جالعاسپاعانىن مالىمدەدى.