جاڭا تۇرپاتتى ءمۇعالىم كەلبەتى

جاڭا تۇرپاتتى ءمۇعالىم كەلبەتى
«ۇستاز... جاراتىلىسىنان وزىنە ايتىلعاننىڭ ءبارىن جەتە تۇسىنگەن، كورگەن، ەستىگەن جانە اڭعارعان نارسەلەردىڭ ءبارىن جادىندا جاقسى ساقتايتىن، بۇلاردىڭ ەشنارسەنى ۇمىتپايتىن... العىر دا اڭعارىمپاز اقىل يەسى...، مەيلىنشە شەشەن، ونەر - بىلىمگە قۇشتار، اسا قاناعاتشىل جانى اسقاق جانە ار - نامىسىن ارداقتايتىن، جاقىندارىنا دا، جات ادامدارىنا دا ءادىل..، جۇرتتىڭ بارىنە... جاقسىلىق پەن ىزگىلىك كورسەتىپ... قورقىنىش پەن جاسقانۋ دەگەندى بىلمەيتىن باتىل، ەرجۇرەك بولۋى كەرەك».
ءال - فارابي
مەملەكەت مادەنيەتىنىڭ ايناسى - مەكتەپ. شىن مانىسىندە ەلىمىزدىڭ الەۋمەتتىك، مادەني، ساياسي، پسيحولوگيالىق جاي - كۇيى حالىقتىڭ ءبىلىم جۇيەسىنەن، ونىڭ دەڭگەيىنەن، اعارتۋشىلىق ءىس - ارەكەتىنەن انىق اڭعارىلادى. وسى ورايدا، جازۋشى ءا. كەكىلباەۆتىڭ «ۋاقىتتىڭ جالعىز ولشەمى بار ول - ادام عۇمىرى. ادام عۇمىرىنىڭ جالعىز ولشەمى بار، ول – ارتتاعى حالىقتىڭ قامى ءۇشىن بىتىرەتىن ءىس» - دەگەن ءسوزىن ەسكە الساق، وسىنداي ۇلكەن ءىس اتقارار ءبىر سالا – مەكتەپ جانە ونىڭ ءمۇعالىمى.
پەداگوگيكالىق ءىس - وتە نازىك، قاسيەتتى ءىس. ول تاربيەشىدەن سەزىمتالدىقتى، بالاعا دەگەن سۇيىسپەنشىلىكتى، بالا جانىن بىردەن تانيتىن قىراعىلىقتى تالاپ ەتەدى. [1]
بۇگىنگى مەكتەپتىڭ باستى مىندەتى - وزىندىك وي - كوزقاراسىن اشىق ايتا الاتىن، ومىرگە بەيىم تۇلعا قالىپتاستىرۋ بولسا، وعان ءمۇعالىمنىڭ شاكىرتىنە دەگەن سۇيىسپەنشىلىگى، ونى تۇلعا رەتىندە باعالاۋى بالانىڭ ادامدىق قاسيەتتەرىنىڭ دامۋىنا باستى كەپىل بولا الادى.
ءححى عاسىر - قاتاڭ باسەكە عاسىرى. بۇل عاسىر – جايباسارلىقتى كوتەرمەيتىن عاسىر. دەمەك، الەمدىك باسەكەلەستىكتىڭ جىلدام دامۋىنا ىلەسە الاتىنداي ءبىلىمدى دە تاپقىر دارا تۇلعانىڭ تاعدىرى ءبىزدىڭ قولىمىزعا امانات رەتىندە تاپسىرىلىپ وتىر. اماناتقا قيانات جاساماۋ - حالقىمنىڭ ىزگى ۇلىلىق ءداستۇرى.[2]

№ 158 ورتا مەكتەبىنىڭ
قازاق ءتىلى مەن ادەبيەتى ءپان ءمۇعالىمى
كەتەپوۆا جاۋحار قوبلانبەك قىزى