InfoHub Logo

ناسانىڭ «پلانەتا اڭشىسى» دەپ اتالاتىن كەپلەر عارىش تەلەسكوبى، كوبىسىنىڭ كولەمى جەرمەن شامالاس بولعان 461 پوتەنسيالدى پلانەتا تاپتى. عالىمدار تەك «قۇس جولى» گالاكتيكاسىنىڭ وزىندە عانا كولەمى جەرمەن بىردەي ەڭ كەمى 17 ميلليارد پلانەتانىڭ بار ەكەندىگىن مالىمدەدى. كەپلەر استرونومى كريستوفەر بەرك اقش-تىڭ كاليفورنيا شتاتىنداعى لونگ بيچ قالاسىندا ۇيىمداستىرىلعان امەريكاندىق استرونوميالىق بىرلەستىگى كونفەرەنسياسىندا جينالىس وتكىزدى.

ەكى جىل الدىن 1200 وبەكت باقىلاعانىن بىلدىرگەن بەرك، «ءبىر جىلدان كەيىن ودان دا كوپ اسپان دەنەلەرىن انىقتادىق. وتە كوپ كىشكەنتاي پلانەتالار مەن جەردىڭ كولەمىندەي جانە ودان دا ۇلكەن پلانەتالار كوردىك. 22 ايلىق باقىلاۋدان كەيىن 461 جاڭا پلانەتا بەلگىلەندى.» دەدى. بەرك، تابىلعان 4 پلانەتانىڭ جۇلدىزدارىنان قاشىقتىقتارىنىڭ سەبەبىنەن ءومىر ءسۇرۋ مۇمكىندىگىن ايتتى. كەپلەر تەلەسكوبىنىڭ تاپقان پلانەتالارىنىڭ اراسىندا كولەمى جەردەن 1،5 ەسە ۇلكەن، كۇنگە ۇقساس ءبىر جۇلدىزدىڭ اينالاسىندا اينالاتىن، ءبىر جىلى 242 كۇن بولعان جانە سۋى دا بار بولۋى مۇكىن دەپ ويلاعان پلانەتا دا بار. 2009 جىلدان بەرى باقىلاۋلارىن جۇرگىزىپ كەلەتىن عارىش تەلەسكوبى، «قۇس جولى» گالاكتيكاسىنداعى 160 مىڭ جۇلدىز جۇيەسىن تەكسەرىپ، ءومىر ءسۇرۋ مۇمكىندىگى بار پلانەتالاردى ىزدەۋدە. تەكسەرىلگەن 2740 جۇلدىز جۇيەسىنىڭ 299-ىندا 2، 112-سىندە 3، 44-ىندە 4، 11-ىندە 5، 1-ىندە 6 پلانەتا تابىلدى.

---