ءال-فارابي اتىنداعى قازۇۋ، ورال فەدەرالدى ۋنيۆەرسيتەتى (رەسەي، ەكاتەرينبۋرگ) جانە قورعان مەملەكەتتىك ۋنيۆەرسيتەتىنىڭ (رەسەي، قورعان) بىرلەسىپ ۇيىمداستىرعان جاس عالىمداردىڭ ەۋرازيالىق مەكتەبى ءوز جۇمىسىن باستاپ كەتتى. مەكتەپكە قازاقستان، رەسەي جانە ارمەنيا مەملەكەتتەرىنەن 70-تەن استام ستۋدەنت، ماگيسترانت جانە دوكتورانتتار مەن اسپيرانتتار قاتىسۋدا.
ورال فەدەرالدى ۋنيۆەرسيتەتىنىڭ عىلىمي جانە يننوۆاسيالىق جۇمىستاردى ۇيىمداستىرۋ ءبولىمىنىڭ باسشىسى يۋليا ءزاپاريدىڭ ايتۋىنشا، مەكتەپ جۇمىسىنىڭ باستى ماقساتى – گۋمانيتارلىق عىلىمداردىڭ وزەكتى ماسەلەلەرىن زەرتتەۋگە جاس عالىمداردى تارتۋ.
ەۋرازيالىق مەكتەپ اياسىندا 10 عىلىمي شەبەرحانا ۇيىمداستىرىلعان. ايتا كەتەيىك، سونىڭ ەكەۋى ءقازۇۋ-دىڭ تاريح فاكۋلتەتى عالىمدارىنىڭ باسشىلىعىمەن ءوز جۇمىسىن ىسكە اسىرۋدا.
وسىلايشا، ت.ع.د، پروفەسسور جاكيشەۆا س.ا. «جاپپاي تاريحي دەرەكتەر جانە ولاردى پروبلەمالىق-باعدارلانعان دەرەكتەر بازاسىندا اناليتيكالىق وڭدەۋ» جانە ت.ع.د، پروفەسسور جارقىنباەۆا ر.س. «ۇلى وتان سوعىسى جىلدارىنداعى موبيليزاسيالىق ساياساتىنىڭ گەندەرلىك اسپەكتىلەرى» تاقىرىبىندا عىلىمي جۇمىستار جۇرگىزۋدە.
وسى جىلدىڭ مامىر ايىندا ەۋرازيالىق مەكتەپتىڭ قاتىسۋشىلارى ارالىق ناتيجەلەرىن كورسەتىپ، جىلدىڭ سوڭىنا قاراي Web of Science جانە Scopus بازالارىندا تىركەلگەن عىلىمي جۋرنالداردا ماقالا دايىنداۋ جوسپارلانعان.
نازيرا نۇرتازينا،
ءال-فارابي اتىنداعى ءقازۇۋ-نىڭ پروفەسسورى
جانىبەك اكىمبەك 1-كۋرس ماگيسترانتى («تاريح» ماماندىعى)