قىسقا مەرزىمدى ساباق جوسپارى
تاقىرىبى: جاي جانە قۇرمالاس سويلەم 31 - 36 جاتتىعۋ
4 سىنىپ
وقۋ ماقساتى: جاي سويلەم مەن قۇرمالاس سويلەم تۋرالى تۇسىنىك بەرۋ. جاي سويلەم مەن قۇرمالاس سويلەمنىڭ ايىرماشىلىعى مەن ەرەكشەلىكتەرىن تاپسىرمالار ورىنداتۋ ارقىلى مەڭگەرتۋ.

ساباقتىڭ باسى
ءى پسيحولوگيالىق دايىندىق:
كانە، دوستار، تۇرايىق.
شەڭبەرىمىزدى قۇرايىق.
جاقسى - جاقسى تىلەكتەر
ءبىر - بىرىمىزگە سىيلايىق!
وقۋشىلار قول ۇستاسىپ، ءبىر - بىرىنە جاقسى تىلەكتەر بىلدىرەدى: «بۇگىن مەن ساعان ساتتىلىك تىلەيمىن، بەس الۋىڭا تىلەكتەسپىن، ساباققا جاقسى جاۋاپ بەر، ت. ب.».
توپقا كۇز جاپىراقتارى ارقىلى بولەمىن. سارى، قىزىل، قىزعىلت 3 تۇسپەن 3 توپقا بولىنەدى. توپ باسشىسىن سايلايدى.

ءىى ءۇي تاپسىرماسىن سۇراۋ:
«ىستىق ورىندىق» ءادىسى ارقىلى وتكەندى ەسكە ءتۇسىرۋ. ءار توپتان 2 وقۋشىدان شىعىپ بەرىلگەن سۇراققا جاۋاپ بەرەدى.
1. ءسوز تىركەسى دەگەنىمىز نە؟ مىسال كەلتىر.
2. ءبىرىنشى سىڭارى سىن ەسىمنەن، ەكىنشى سىڭارى زات ەسىمنەن بولعان 2 ءسوز تىركەستەرىن ايت.
3. ءبىرىنشى سىڭارى زات ەسىمنەن، ەكىنشى سىڭارى ەتىستىكتەن بولعان ءسوز تىركەسىن ايت.
4. سۋرەتكە قاراپ، ءسوز تىركەسىن قۇراپ ايت.
5. ءسوز تىركەسىنىڭ ەكىنشى سىڭارى نەگىزگى ماعىنانى بىلدىرەتىن، سول ارقىلى ءبىرىنشى سىڭارىنا سۇراق قويۋعا بولاتىن ءسوز تىركەسىن قۇرا.
6. قازاقشا سويلەۋ ءسوز تىركەسىنىڭ ماعىناسىن سۇراق قويۋ ارقىلى انىقتا.

ساباقتىڭ ورتاسى
«مەن ءمۇعالىم رولىندە» ءادىسىن قولدانامىن. الدىن - الا وقۋشىعا تاپسىرما بەرىلگەن.
وقۋشى شىعىپ 31 - جاتتىعۋداعى باعاننىڭ ەكى جاعىنداعى سويلەمدەردى وقىتادى. ءوزارا سالىستىرادى.
قوڭىراۋ سوعىلدى. قوڭىراۋ سوعىلدى دا، ساباق باستالدى.
اۋىلدان اتام كەلدى. اۋىلدان اتام كەلدى دە، مەنى سيرككە اپاردى.
اجەم ءجىپ ءيىردى. اجەم ءجىپ ءيىرىپ، ودان كەۋدەشە توقىدى.
ۇقساستىعى سويلەمدەر. اياقتالعان ويدى ءبىلدىرىپ تۇر. حابارلى سويلەم. وزگەشەلىگى باعاننىڭ سول جاعىنداعى سويلەمدەر ءبىر عانا تياناقتى ويدى ءبىلدىرىپ تۇر. ال وڭ جاعىنداعى سويلەم ەكى ويدى ءبىلدىرىپ تۇر، ءارى ءۇتىر تىنىس بەلگىسى ارقىلى اجىراتىلىپ تۇر.

مەكتەپ: 30 باستاۋىش مەكتەپ
ءمۇعالىمنىڭ اتى - ءجونى: ءا. ە. ەراليەۆا
جاي جانە قۇرمالاس سويلەم جۇكتەۋ