جازدا (ولەڭ)

ءبىلىم بەرۋ سالاسى: قاتىناس
ءبولىمى: كوركەم ادەبيەت
تاقىرىبى: «جازدا» (ولەڭ)
ماقساتى: جىل مەزگىلدەرى جايلى ويلارىن كەڭەيتۋ، جايقالعان جاز، جەمىس – جيدەك تۋرالى تۇسىنىك بەرە وتىرىپ، سوزدىك قورلارىن بايىتۋ. تابيعاتتى ايالاۋعا تاربيەلەۋ.
قولدانىلاتىن كورنەكى قۇرالدار: جىل مەزگىلدەرى بەينەلەنگەن سۋرەتتەر، حرەستوماتيا، جەمىستەر، كوكونىستەردىڭ سۋرەتى.
سوزدىك جۇمىس: جاز، كوبەلەك
بيلينگۆالدى كومپونەنت: جاز - لەتو، كوبەلەك - بابوچكا

موتيۆاسيالىق قوزعاۋشىلىق
شاتتىق شەڭبەرى
كوبەلەك - اۋ، كوبەلەك،
ادەمىسىڭ كەرەمەت.
گۇلگە كەلىپ قونا عوي،
ءوزىڭ دە گۇل بولا عوي

ۇيىمداستىرۋشىلىق - ىزدەنىستىك
كىرىسپە اڭگىمە.
- بالالار، ءبىز قانداي جىل مەزگىلدەرىن بىلەمىز؟
- ەندەشە، بالالار، بۇگىن وسى جىل مەزگىلدەرىنىڭ ىشىنەن جاز مەزگىلىنە توقتالامىز.
- جاز مەزگىلى سەندەرگە ۇناي ما؟
- جازدا نە پىسەدى؟
- جازدىڭ قانداي ەرەكشەلىكتەرىن بىلەسىڭدەر؟
- ءقازىر مەن سەندەرگە اقىن نەسىپبەك ايتوۆتىڭ «جاز» ولەڭىن بەرەمىن:
جازىم كەلدى جارقىلداپ،
قازىم كەلدى قاڭقىلداپ.
گۇلگە قوندى كوبەلەك،
قوس قاناتى قالتىلداپ.
ءسۇيىپ كۇننىڭ شاپاعىن،
تاۋ شەشتى اق شاپاعىن.
كۇلتەلەندى قۋرايلار،
توگىپ بۇيرا شاشاعىن.
كوككە قىزىل - جاسىلدى
كەمپىرقوساق اسىلدى.
جارلاۋىتتى جاعانى
جاپىراقتار جاسىردى.

سۇراق - جاۋاپ.
- ولەڭ ۇنادى ما؟
رەلاكساسيا:
- بالالار، كوزىمىزدى جۇمىپ تىنىعايىق. جاز مەزگىلىن كوز الدىمىزعا ەلەستەتەيىك: كۇن ىستىق، سۋعا شومىلىپ، دەنەمىزدى بوس ۇستاپ، جاعالاۋعا شىعىپ جاتىرمىز، سۋ سىلدىرى قۇلاعىمىزعا جاعىپ، كۇن شۋاعى دەنەنى جىلىتادى، اياعىمىزدى ىستىق قۇم قىزدىرىپ بارادى. ال ەندى كوزىمىزدى اشساق تا بولادى.
- ەندى، بالالار، كوزىمىز جۇمىلعاندا نەنى كوردىك، قانداي اسەر الدىڭدار؟
- سۋدا شومىلعاندى ۇناتاسىڭدار ما؟
جازدا (ولەڭ). جۇكتەۋ