Jet Finance كومپانياسى قازاقستاننىڭ ميكروقارجى ۇيىمدارى قاۋىمداستىعىنىڭ (امفوك) «كاسىپكەرلىكتى دامىتۋ جانە شوب-تى قولداۋ بويىنشا ۇزدىك ميكروقارجى ۇيىمى» اتالىمىنداعى ماراپاتىنا يە بولدى. ماراپاتتاۋ ءراسىمى 21 قىركۇيەكتە الماتىدا، The Ritz-Carlton الاڭىندا، ورتالىق ازيا ميكروقارجى فورۋمى اياسىندا ءوتتى، دەپ حابارلايدى infohub.kz سايتى.
ماراپاتتى وزبەكستان ميكروقارجى ينستيتۋتتارى قاۋىمداستىعىنىڭ اتقارۋشى ديرەكتورى ميرالازيز ساريكوۆيچ ۋماروۆ تابىس ەتتى. Jet Finance اتىنان ونى كومپانيانىڭ باس ديرەكتورىنىڭ ورىنباسارى ارسلان كازەز جەكە قابىلدادى.
امفوك شەشىمى Jet Finance پورتفەلىنىڭ جەكە كاسىپكەرلىك سەگمەنتىندەگى كورسەتكىشتەرىنە نەگىزدەلگەن. ءبىر جىل ىشىندە — 2025 جىلعى 31 شىلدەدەن 2026 جىلعى 31 شىلدەگە دەيىن — راستالعان جەكە كاسىپكەرلەردىڭ كرەديتتىك پورتفەلى 8،58 ملرد تەڭگەدەن 10،03 ملرد تەڭگەگە، ياعني 16،8%-عا ءوستى. سول كەزەڭدە كومپانيانىڭ جالپى كرەديتتىك پورتفەلى 39،87 ملرد تەڭگەدەن 49،17 ملرد تەڭگەگە — 23،3%-عا ۇلعايدى. جەكە كاسىپكەرلەر پورتفەلىنىڭ ەڭ ۇلكەن ۇلەسىن تۇراقتى تۇردە ساۋدا قۇرايدى — ەكى ەسەپتى كۇندە دە 37%-دان استام، ەكىنشى ورىندا قىزمەت كورسەتۋ سالاسى تۇر.
«بۇل ماراپات — ءبىر رەتتىك اكسيانىڭ ەمەس، كوپ جىلدار بويى شوب سەگمەنتىمەن جۇرگىزىلگەن جۇيەلى جۇمىستىڭ مويىندالۋى. بۇگىندە كاسىپكەرلەر بيزنەستى ءوسىرۋدىڭ ناقتى مىندەتتەرى ءۇشىن ىرىرەك قارجىلاندىرۋ الىپ جاتقانىن كورىپ وتىرمىز، ال ءبىزدىڭ مىندەتىمىز — ولارعا كاپيتالعا اشىق ءارى تۇسىنىكتى شارتتارمەن قول جەتكىزۋدى قامتاماسىز ەتۋ»، — دەدى Jet Finance باس ديرەكتورىنىڭ ورىنباسارى ارسلان كازەز.
امفوك فورۋمى — ورتالىق ازيانىڭ ميكروقارجى نارىعى قاتىسۋشىلارىنىڭ، رەتتەۋشىلەرىنىڭ جانە ينۆەستورلارىنىڭ ديالوگىنا ارنالعان جىل سايىنعى الاڭ. بيىل فورۋم اياسىندا Jet Finance جانە Yusr كومپانيالارىنىڭ Group CFO نيكيتا ۆيلگەلم قاتىسقان، ميكروقارجى ۇيىمدارىن قارجىلاندىرۋ نارىعى مەن ينۆەستورلاردىڭ كۇتۋلەرىنە ارنالعان پانەلدىك سەسسيا دا ءوتتى.
Jet Finance — ۇزاق مەرزىمدى دامۋعا جانە جاۋاپتى قارجىلاندىرۋعا باعىتتالعان فينتەح-كرەديتور. كومپانيا 2018 جىلى قۇرىلىپ، سودان بەرى باسقارۋ مودەلىنەن باستاپ تەحنولوگيالىق پلاتفورما مەن ونىمدىك ستراتەگياعا دەيىن اۋقىمدى ترانسفورماسيادان ءوتتى. بۇگىندە Jet Finance تاۋەكەل-مەنەدجمەنت، IT جانە كورپوراتيۆتىك باسقارۋ سالاسىنداعى وزىق حالىقارالىق تاجىريبەمەن جەرگىلىكتى ساراپتامانى ۇشتاستىرا وتىرىپ، قازاقستانداعى ەڭ قارقىندى دامىپ كەلە جاتقان بانكتىك ەمەس كرەديتورلاردىڭ قاتارىنا كىرەدى.
«مقۇ «Jet Finance» ج ش س ميكروكرەديتتەر بەرۋ قىزمەتىن 2026 جىلعى 10.03 بەرىلگەن № 02.21.0056.م. ميكروقارجىلىق قىزمەتتى جۇزەگە اسىرۋعا ارنالعان ليسەنزياسىنىڭ نەگىزىندە اتقارادى.