جەتىسايدا ەكى اي بۇرىن ءىز-تۇسسىز جوعالعان ايەلدىڭ دەنەسى كورشىسىنىڭ اۋلاسىنان تابىلدى،-دەپ حابارلايدى Infohub.kz.
جەتىسايدا قاڭتار ايىندا ءىزىم-قايىم جوعالعان 38 جاستاعى ايگەرىم اجىكەەۆانىڭ ءمايىتى اراعا ەكى اپتا سالىپ كورشى كوشەدەگى تۇرعىننىڭ ۇيىنەن تابىلدى. مارقۇمنىڭ اناسى مەيرامگۇل بەرداليەۆا قىزىنىڭ 28 قاڭتاردا جۇمىسقا كەتكەننەن كەيىن قايتا ورالماعانىن ايتادى.
مارقۇمنىڭ تۋىستارى كۇدىكتىنى سول كۇنى-اق بولجاعاندارىن، الايدا ءتارتىپ ساقشىلارىنىڭ دەرەۋ ارەكەت ەتپەگەنىن العا تارتادى. قايعى جامىلعان وتباسىنىڭ ايتۋىنشا، كۇدىكتى بۇعان دەيىن دە ەكى مارتە ادام ءولتىرىپ، سوتتالعان. ايگەرىمنىڭ دەنەسى تابىلعان كۇنى عانا ول ءوز ەركىمەن پوليسياعا بەرىلگەن.