قازاقستاندا Jetour، Changan، Chery جانە Haval سياقتى قىتايلىق اۆتوموبيل برەندتەرىن شىعارۋ جوسپارلانۋدا. بۇل تۋرالى infohub.kz سايتى حابارلايدى.
قازاقستاننىڭ ونەركاسىپ جانە قۇرىلىس ءمينيسترى قانات شارلاپايەۆ ماجىلىستەگى ۇكىمەت ساعاتىندا وتاندىق اۆتووندىرۋشىلەر 2027 جىلعا قاراي ۇساق ءتۇيىندى قۇراستىرۋ (CKD) ۇلەسىن جالپى ءوندىرىس كولەمىنىڭ 50%-ىنا دەيىن جەتكىزۋى كەرەكتىگىن مالىمدەدى. اعىمداعى جىلى بۇل كورسەتكىش شامامەن 20%، 2025 جىلى – 30%، ال 2026 جىلى – 40% بولۋى ءتيىس.
سونىمەن قاتار، قوستاناي مەن الماتىداعى شاعىن ونەركاسىپ ايماقتارىنىڭ الاڭدارىندا اۆتوكومپونەنت بازاسىن دامىتۋ جوبالارى پىسىقتالۋدا. ءقازىردىڭ وزىندە ورىندىقتار شىعارىلىپ، قىتايلىق اۆتوموبيلدەردى وندىرەتىن مۋلتيبرەندتىك زاۋىت قۇرىلىسى جۇزەگە اسىرىلۋدا. بۇدان بولەك، پلاستيك بولشەكتەر مەن كولىكتەرگە ارنالعان مۋلتيمەديالىق جۇيەلەر شىعاراتىن كاسىپورىنداردى ىسكە قوسۋ جوسپارلانۋدا.
ونەركاسىپ جانە قۇرىلىس مينيسترلىگىنىڭ باسشىسى 2026 جىلدىڭ 1 قاڭتارىنان باستاپ دانەكەرلەۋ جانە بوياۋ تەحنولوگيالارى قازاقستاندا شىعارىلاتىن ءاربىر اۆتوموبيل برەندىندە يگەرىلەتىنىن جەتكىزدى. 2027 جىلعا قاراي ۇساق ءتۇيىندى قۇراستىرۋ ادىسىمەن جىلىنا شامامەن 200 مىڭ ماشينا شىعارۋ جوسپارلانۋدا.
قانات شارلاپاەۆتىڭ ناقتىلاۋىنشا، «سارىاركااۆتوپروم» اۆتوموبيل جەلىسى 2024 جىلى-اق Jetour برەندىمەن تولىعادى. سونداي-اق چەحيالىق Skoda كومپانياسىمەن كەلىسسوزدەر جۇرگىزىلۋدە. سونىمەن قاتار، Astana Motors كومپانيالار توبى ءوندىرىستى ۇيىمداستىرۋ ءۇشىن تانىمال قىتايلىق Changan، Chery جانە Haval برەندتەرىن تارتىپ، ونى 2025 جىلى ىسكە قوسۋ جوسپارلانۋدا.