كورگەن مەن كورمەگەندە كوپ پارىق بار،
بولمايدى جىگىت جاقسى سىننان وتپەي.
ۇلكەنگە، كىشىگە دە ءىلتيپات قىل،
جاتىرقاپ ەش ادامدى سىرتقا تەپپەي.
عيبرات ال جاقسىلىقتان جاقىن ءجۇرىپ،
اۋلاق قاش جاماندىقتان سىرتتان شەتتەي.
ورىنسىز باتىرلىققا ارانداما،
ءار ءىستىڭ مازمۇنىنا كوزىڭ جەتپەي.
جىگىتتەر، مۇنان عيبرات الماي بولماس،
ادامعا بىرلىك كەرەك بولسا جولداس.
ءبىرىنىڭ ايتقانىنا ءبىرى كونبەي،
ىستەگەن ءباتۋاسىز ءىسىڭ وڭباس.
الىس پەن جاقىن ويلى بولماس جولداس،
قاس قىلعان جولداسىنا جىگىت وڭباس.
بار بولسا ناسىلىندە ءبىر شيكىلىك،
وزگە تۇگىل - وزىنە بولادى قاس.
باق-داۋلەت باسىندايى ءبىر گاۋھار تاس،
جوق بولسا بۇل ەكەۋى ءىسىڭ وڭباس.
قىزىعى بۇل جالعاننىڭ مال مەنەن باس،
داراققا ميۋاسى جوق بۇلبۇل قونباس.
دوس ەمەس دوس سىرتىنان جامانداعان،
نەسى دوس ءبىر قاتاسىن جابا الماعان.
دوس قايدا دوسى ءۇشىن جان قينايتىن،
انشەيىن دۇنيە ءۇشىن امالداعان.

---