ءپاريجدىڭ Givenchy جانە Christian Dior ءسان ۇيلەرىندە جۇمىس ىستەگەن اتى اڭىزعا اينالعان سانگەر دجون گاليانو ماسس-ماركەت برەندى Zara ءۇشىن العاشقى كوللەكسياسىن شىعاردى. جاڭا ناۋقاننىڭ پرەۆيۋىن Vogue جۋرنالى جاريالادى، دەپ حابارلايدى infohub.kz سايتى.
كوللەكسيا Re{form} Zara Authored by the Couturier John Galliano دەپ اتالدى. ديزاينەر نەگىزگە Zara-نىڭ دايىن زاتتارىن الىپ، ولاردى قايتا ويلاستىرىپ، ءپىشىنىن، پروپورسياسىن جانە بولشەكتەرىن وزگەرتتى.
مىسالى، ءجۇن پالتوسىن قايتا ءپىشىپ، قالتالارىنىڭ ورنالاسۋىن، قاۋسىرماسىنىڭ ءپىشىنىن جانە تومەنگى بولىگىنىڭ ۇزىندىعىن وزگەرتتى. كرۋجەۆو اشەكەيلى كومبيناسيا كويلەگىن مويىن توڭىرەگىندە كولەمدى بولشەگى بار مودەلگە اينالدىردى، ال ماقتا جەيدەسىن XXXL–XXXXL ولشەمدەرىنە دەيىن ۇلكەيتىپ، ودان تەرىگە ەلىكتەگەن ءپرينتى بار جاكەت جاسادى.
گاليانونىڭ ايتۋىنشا، جۇمىسىندا ول «رەسەمپلينگ جانە سيفرلىق ميكشيروۆانيە» ءپرينسيپىن قولدانعان: ديزاينەر بار زاتتاردى الىپ، ولاردى قايتا جينادى. كوللەكسيادا ءمولدىر تيۋلدەن جاسالعان مودەلدەر، تاريحي كوستيۋمدەرگە سىلتەمە جاسايتىن جاكەتتەر مەن اكسەسسۋارلار دا پايدا بولدى.
اتاپ ايتقاندا، Vogue جازۋىنشا، ديزاينەر فرانسۋز رەۆوليۋسياسى ءداۋىرىنىڭ بەينەلەرىنە — les Incroyables جانە les Merveilleuses سيلۋەتتەرىنە جۇگىنگەن. بۇل موتيۆتەر ونىڭ 1984 جىلى Central Saint Martins-تەگى كوللەكسياسىندا دا كەزدەسكەن.
زاتتاردىڭ باعاسى $29،90-نان (شامامەن 14،4 مىڭ تەڭگە) باستالادى. سالىستىرۋ ءۇشىن، گاليانونىڭ Christian Dior ءۇشىن جاساعان كۋتيۋر جۇمىستارىنىڭ ءبىرى 2026 جىلدىڭ قاڭتارىندا €663 مىڭعا (شامامەن 380 ملن تەڭگە) ساتىلعان.
ديزاينەردىڭ Zara-مەن ىنتىماقتاستىعى ەكى جىلعا جوسپارلانعان جانە ءتورت كوللەكسيا شىعارۋدى كوزدەيدى. گاليانو ءۇشىن بۇل جوبا 2024 جىلى Maison Margiela-دان كەتكەننەن كەيىنگى العاشقى ءىرى جۇمىسى بولدى.
Re{form} Zara Authored by the Couturier John Galliano العاشقى كوللەكسياسى الەمدەگى Zara بۋتيكتەرىنە جەتۋى ءتيىس.
بۇعان دەيىن Kursiv LifeStyle مەتروپوليتەن-مۋزەي مەن اننا ۆينتۋردىڭ بريتان ديزاينەرىنىڭ رەتروسپەكتيۆاسىن نەگە توقتاتقانىن جازعان بولاتىن.