ناعيما ەسقاليەۆا روزا رىمباەۆاعا نە دەدى؟
قازاق ەستراداسىنىڭ جارىق جۇلدىزى ناعيما ەسقاليەۆا روزا رىمباەۆانىڭ ساحنادان كەتۋ تۋرالى شەشىمىنە قاتىستى پىكىر ءبىلدىردى. بۇل جاڭالىق ءانشىنىڭ جانكۇيەرلەرىن عانا ەمەس، ارىپتەستەرىن دە الاڭداتتى.
بۇل تۋرالى Infohub.kz اقپارات اگەنتتىگى حابارلايدى.
جۋرناليست تيمۋر بالىمبەتوۆتىڭ سۇحباتىندا ناعيما حانىم روزا قۋانىش قىزىنىڭ ساحنادان كەتۋ تۋرالى ءجيى ايتۋىنا تاڭدانىسىن جاسىرمادى.
نە سەبەپ؟
«جىندى ما ول؟ ول قايدا كەتپەكشى؟ پۋگاچەۆانىڭ ءوزى ءجۇز رەت كەتىپ، ءجۇز رەت كەلگەن. ول نەمەرەسىمەن ۇزاققا وتىرا المايدى. ول ساحناسىز ءومىر سۇرە المايدى. بۇل ونىڭ ءومىرى»، - دەدى ناعيما ەسقاليەۆا.
ناعيما ەسقاليەۆا روزا رىمباەۆانى ۇستازدىق قىزمەتكە شاقىرعانىن ايتتى. الايدا، روزا قۋانىش قىزى بۇل ۇسىنىستان باس تارتقان.
«مەن ونى قانشاما مارتە ۇستازدىق ەتۋگە شاقىرعام. ءبىراق ول كەلىسپەدى. ول ءبىزدىڭ اكادەميادا ۇستازدىق ەتسە، ءبىراز ستۋدەنتتىڭ باعىن اشار ەدى. وتە كەرەمەت پەداگوگ بولاتىن ەدى»، - دەپ اتاپ ءوتتى ناعيما حانىم.
روزا رىمباەۆانىڭ ساحناداعى 50 جىلدىعى
بيىل روزا رىمباەۆا ونەردەگى 50 جىلدىعىنا وراي ۇلكەن كونسەرت بەرۋدى جوسپارلاپ وتىر. ءانشىنىڭ ايتۋىنشا، بۇل كەش ونىڭ ساحناداعى سوڭعى كونسەرتى بولۋى مۇمكىن.