كايرات ساتىبالدى ۇلىنان تاركىلەنگەن توعىز قاباتتى Kaisar Plaza بيزنەس-ورتالىعى الماتىداعى اۋكسيوندا تاعى دا ساتىلمادى. باستاپقى باعادان 14 ميلليارد تەڭگەگە تومەندەتىلگەنىنە قاراماستان، ەشكىم تىركەلمەگەن. بۇل تۋرالى infohub.kz سايتى حابارلايدى.
بۇل نىساندى ءتورت اي بويى ساتۋعا تىرىسۋدا. ساۋىردە باستاپقى باعا 61،5 ميلليارد تەڭگە بولعان. ماۋسىمدا ونى 54 ميللياردقا ءتۇسىردى، ءبىراق سوندا دا ساتىلمادى. تاعى 7 ميلليارد تەڭگەگە ارزانداتىلعاننان كەيىن دە ساتىپ الۋشىلار تاراپىنان قىزىعۋشىلىق بولمادى.
باعالاۋ ەسەبى بويىنشا، عيماراتتىڭ نارىقتىق قۇنى 44،7 ميلليارد تەڭگە، ال ونىڭ استىنداعى جەر تەلىمىن جالعا الۋ قۇقىعى 2،8 ميلليارد تەڭگەنى قۇرايدى. ساراپشىلار بۇل سومالاردى مامىلە ءۇشىن ۇسىنىلعان باعا رەتىندە انىقتاعان. الايدا مەنشىك يەسى – «قايتارىلعان اكتيۆتەردى باسقارۋ كومپانياسى» ج ش س (قابك) – لوتتى جوعارى باعامەن قويدى.
كومپانيادا باعانى ىشكى ەرەجەلەرگە سۇيەنە وتىرىپ، وزدەرى بەلگىلەيتىنىن ءتۇسىندىردى. قورىتىندى سوما تاۋەلسىز ساراپشىلاردىڭ باعالاۋىنا جانە نارىقتاعى جاعدايعا بايلانىستى. بيزنەس-ورتالىقتىڭ ودان ءارى تاعدىرى ىشكى ەرەجەلەر مەن قولدانىستاعى زاڭناماعا سايكەس انىقتالادى، دەپ اتاپ ءوتتى قابك.
Kaisar Plaza – جالپى اۋدانى 63 920 شارشى مەتر بولاتىن ءىرى ساۋدا-كەڭسە ورتالىعى. ول 2017 جىلى سالىنعان. مەكەنجايى: جەلتوقسان كوشەسى، 115ء-ۇي. جەر تەلىمىنىڭ اۋدانى – 0،7 گەكتار، ول مەملەكەتتەن 2031 جىلعا دەيىن جالعا الىنعان. عيماراتتا 53 جالعا الۋشى جۇمىس ىستەيدى، باسقارۋدى ۋاقىتشا سەنىمگەرلىك كومپانيا جۇزەگە اسىرادى.
قۇجاتتاردا سايكەسسىزدىك انىقتالدى: تەحپاسپورتتا اۋدان مەملەكەتتىك تىزىلىمدەگىدەن 7،4 مىڭ شارشى مەترگە از. بۇل ايىرماشىلىق اۋداندى قايتا ەسەپتەۋ مەن شاتىر بولىپ سانالاتىن پانورامالىق قاباتتى (شامامەن 2،3 مىڭ شارشى مەتر) قوسۋدان پايدا بولدى. سونىمەن قاتار، ساۋدا-ساتتىق ققس-سىز جۇرگىزىلەدى، سەبەبى قازىرگى مەنشىك يەسى ققس تولەۋشى، سوندىقتان سوڭعى ساتىپ الۋشى قورىتىندى قۇننان تىس سالىقتى تولەۋى كەرەك.
بۇل جەر تەلىمىنىڭ تاريحى ەرەكشە: ون جىل بۇرىن مۇندا قازكسر مەملەكەتتىك جوسپارلاۋ كوميتەتىنىڭ 1954 جىلى سالىنعان تاريحي عيماراتى تۇرعان. 2015 جىلى بەلسەندىلەردىڭ نارازىلىعىنا قاراماستان، ونى بۇزىپ، ورنىنا بيزنەس-ورتالىق سالدى.
كايرات ساتىبالدى ۇلى – بۇرىنعى پرەزيدەنت نۇرسۇلتان نازارباەۆتىڭ جيەنى. 2022 جىلى ول «قازاقتەلەكوم» جانە «كولىكتىك سەرۆيس ورتالىعى» كومپانيالارىنداعى جىمقىرۋلار ءۇشىن التى جىل باس بوستاندىعىنان ايىرىلدى. كەيىن وعان اقشا جىلىستاتۋ بويىنشا جاڭا ءىس قوزعالدى، ول كىناسىن تولىق مويىندادى. مەملەكەتكە كەلتىرىلگەن زالالدى وتەۋ ءۇشىن ساتىبالدى ۇلى اكتيۆتەرىن جاپپاي تاپسىرا باستادى. 2024–2026 جىلدار ارالىعىندا قايتارىلعان م ۇلىكتىڭ جالپى قۇنى 730 ميلليارد تەڭگەدەن استى.
تاركىلەنگەن م ۇلىكتەردىڭ اراسىندا: DoubleTree by Hilton قوناق ءۇيى (6،49 ميلليارد تەڭگە)، «بايسات» بازارى (15،9 ميلليارد)، «مەگاتاۋ» ساۋدا ءۇيى (8،9 ميلليارد)، «ارسات» (8،9 ميلليارد)، «مايسات» (5،2 ميلليارد) بيزنەس-ورتالىقتارى، استاناداعى «وپتيمۋم» (3،2 ميلليارد)، Kaisar Tower (7،9 ميلليارد)، سونداي-اق استانادا قۇنى بەس ميلليارد تەڭگە بولاتىن ءۇش ساراي بار. سونىمەن قاتار، شەتەلدەن اكتيۆتەر قايتارىلدى: باا-دەگى ەكى ۆيللا (شامامەن 20 ميلليارد تەڭگە)، فرانسياداعى ءتورت پاتەر (شامامەن 4 ميلليارد)، ماسكەۋدەگى 15 جىلجىمايتىن م ۇلىك (5 ميلليارد)، تۇركياداعى جىلجىمايتىن م ۇلىك (4 ميللياردتان استام).
2024 جىلعى تامىزدا وسكەمەندەگى سوت ساتىبالدى ۇلىنىڭ جازاسىن جەڭىلدەتۋ تۋرالى ءوتىنىشىن قاراپ، باس بوستاندىعىنان ايىرۋدىڭ قالعان مەرزىمىن باس بوستاندىعىن شەكتەۋمەن اۋىستىردى – 3 جىل، 3 اي جانە 7 كۇن.