Футзалдан 2026/27 маусымындағы УЕФА Чемпиондар лигасының негізгі кезеңінде «Қайрат» өз алаңында емес, Бельгияда өткен екінші матчында ірі есеппен жеңілді: алматылықтар бельгиялық «Андерлехтке» 3:8 есебімен жол берді, деп хабарлайды infohub.kz сайты.
2-топтың ойындары Бельгияның Росдал коммунасындағы «Беллехейде» аренасында өтті, алаң иелері қонақтарға еш мүмкіндік қалдырмады. Жеңімпаздар сапында латыш Эдгар Тараканов (7 және 29-минут) пен бельгиялық Стивен Диллин (31 және 34-минут) дубль жасады. Тағы бір допты бельгиялық Грелло (9-минут), серб Стефан Ракич (20-минут) және бразилиялық Лукас Брито де Паула (25-минут) соқты.
«Қайрат» сапында қазақстандық Алмас Иманбеков (14-минут) өз қақпасына доп соғып алды. Қарсыластың қақпасын ресейлік Камиль Герейханов (30-минут), сондай-ақ бразилиялықтар Кайо Руис (32-минут) пен Луис Камило Насименто да Коста (34-минут) дәл көздеді. Алматылықтардан ресейлік Павел Карпов (7-минут) пен бразилиялық Бруно Томаселли (38-минут) қызыл қағаз алды.
Үш ұпаймен «Қайрат» топта ең жоғары алты ұпай жинаған «Андерлехттен» кейін екінші орынмен мәреге жетті. Латвиялық «Бейтар» екі матчта да жеңілді, бірақ плей-оффқа шықты, өйткені румыниялық «Юнайтед Галац» қызметін тоқтатып, Чемпиондар лигасында бақ сынамады.
1/8 финалға тағы бір қазақстандық клуб — «Семея» да жолдама алды. «Қайрат» сияқты ол да плей-оффтың бірінші кезеңінің жеребесінде сеяный мәртебесіне ие болады.