قازاقستاندا ساۋداعا 30-دان استام لوت شىعارىلدى، ونىڭ ىشىندە «تۇلپار» ءجشس-نىڭ ۇلەسى، ەليتالىق پاتەرلەر جانە جالپى قۇنى 736 ملن تەڭگەدەن اساتىن زەرگەرلىك بۇيىمدار مەن ساعاتتار بار، دەپ حابارلايدى infohub.kz سايتى.
ساۋدا تۋرالى اقپارات قايتارىلعان اكتيۆتەردى باسقارۋ كومپانياسىنىڭ سايتىندا ورنالاستىرىلعان. لوتتار مەملەكەتتىك م ۇلىك ءتىزىلىمىنىڭ sauda.e-qazyna.kz ۆەب-پورتالىندا قولجەتىمدى.
لوتتار اراسىندا — «تۇلپار» ءجشس-نىڭ 100% جارعىلىق كاپيتالداعى ۇلەسى، باستاپقى قۇنى 991 469 139 تەڭگە. كاسىپورىن الماتىدا ورنالاسقان، قىزمەتكەرلەر سانى — 6 ادام.
سونداي-اق ساۋداعا زەرگەرلىك بۇيىمدار مەن ساعاتتار شىعارىلدى — بارلىعى 32 لوت. ولاردىڭ جالپى باستاپقى باعاسى 736 049 849 تەڭگەنى قۇرايدى.
بۇدان باسقا، استاناداعى ءۇش پاتەر قايتادان ساتىلىمعا قويىلدى. ونىڭ ءبىرى «پاريج كۆارتالى» تۇرعىن ءۇي كەشەنىندە ورنالاسقان، اۋدانى 93،6 شارشى مەتر، قۇنى — 112 926 585 تەڭگە. ەكىنشى پاتەر — سول كەشەندەگى ەكى دەڭگەيلى پاتەر، اۋدانى 309،5 شارشى مەتر، باستاپقى باعاسى — 363 244 554 تەڭگە. ءۇشىنشى پاتەر «Green Village» تۇرعىن ءۇي كەشەنىندە ورنالاسقان، اۋدانى — 231،8 شارشى مەتر، باعاسى — 214 016 394 تەڭگە.
ساۋدا-ساتتىق 2، 27 جانە 28 تامىزدا وتەدى. ەسكە سالايىق، بۇعان دەيىن استانادا اۋدانى 350 شارشى مەتردەن اساتىن كوتتەدج 353 ملن تەڭگەگە ساۋدادا ساتىلعان بولاتىن. بۇل نىسان دا قايتارىلعان اكتيۆتەر قاتارىندا ەدى.