كامچاتكادا ءبىر تاۋلىكتە 146 جەر استى دۇمپۋىنەن كەيىن بەس بىردەي جانارتاۋ بەلسەندىلىگى ارتتى
30 شىلدەدە كامچاتكا تۇبەگىندە بولعان جويقىن جەر سىلكىنىسىنەن كەيىن وڭىردەگى جانارتاۋلىق بەلسەندىلىك كۇرت كۇشەيدى. عالىمداردىڭ مالىمەتىنشە، ءبىر تاۋلىكتىڭ ىشىندە ماگنيتۋداسى 3،2-دەن 6،2-گە دەيىنگى 146 افتەرشوك تىركەلگەن. ولاردىڭ 20-دان استامى حالىق تىعىز ورنالاسقان ەلدى مەكەندەردە 2–5 بالل ارالىعىندا سەزىلگەن.
وسى دۇمپۋدەن كەيىن كليۋچەۆسكوي، شيۆەلۋچ، كارىمسكي، بەزىمياننىي جانە كامبالنىي جانارتاۋلارىنىڭ بەلسەندىلىگى ارتقانى بايقالدى. ەڭ قاتتى وزگەرىس كليۋچەۆسكوي مەن شيۆەلۋچ جانارتاۋلارىندا تىركەلگەن. ماماندار لاۆا اعىنى مەن كۇكىرت گازى ءبولىنۋى كوبەيگەنىن ايتادى.
كامچاتكا – ەۋرازيا ماتەريگىندەگى ەڭ سەيسمواكتيۆتى ءارى جانارتاۋلارى ءجيى اتقىلايتىن ءوڭىر. ءقازىر وڭىردە تۋريستىك قاۋىپسىزدىك شارالارى كۇشەيتىلىپ، حالىققا ءقاۋىپسىز اراقاشىقتىقتى ساقتاۋ جونىندە ەسكەرتۋ جاسالۋدا.
جانارتاۋلاردىڭ ودان ءارى بەلسەندىلىگى مەن افتەرشوكتاردىڭ جيىلىگى گەوفيزيكتەر باقىلاۋىندا.