كامەرۋنداعى التىن كەنىشىندەگى وپىرىلىپ ءتۇسۋ سالدارىنان قازا تاپقاندار سانى 107-گە جەتتى. قۇتقارۋشىلار ىزدەۋ جۇمىستارىن جالعاستىرۋدا، دەپ حابارلايدى infohub.kz سايتى.
قايعىلى وقيعا ەلدىڭ شىعىسىنداعى زامبۋا ەلدى مەكەنىندەگى التىن ءوندىرۋ نىسانىندا بولدى. ريا نوۆوستي RFI راديوسىنا سىلتەمە جاساپ حابارلاعانداي، قيراعان جەردەن 100-دەن استام ءمايىت شىعارىلدى.
گارۋا-بۋلاي قالاسىنىڭ اكىمى امادۋ ابدوننىڭ مالىمەتىنشە، سەيسەنبى، 18 تامىز، ساعات 23:00-دە قازا تاپقاندار سانى 107 ادامدى قۇرادى. ول بۇل جەردەن شىعارىلعان مايىتتەر سانى ەكەنىن اتاپ ءوتتى.
ىزدەۋ جۇمىستارى جالعاسۋدا، قۇرباندار سانى ارتۋى مۇمكىن. زامبۋا اۋىلى كامەرۋننىڭ ورتالىق افريكا رەسپۋبليكاسىمەن شەكاراسىنا جاقىن ورنالاسقان.