قازاقستاننىڭ مەتاللۋرگيا ونەركاسىبىندە 2024 جىلدىڭ ءبىرىنشى توقسانىنىڭ قورىتىندىسى بويىنشا ءوندىرىس ءوسىمى 4،3% قۇرادى. بۇل تۋرالى ماجىلىستەگى ۇكىمەت ساعاتىندا قازاقستان رەسپۋبليكاسىنىڭ ونەركاسىپ جانە قۇرىلىس ءمينيسترى قانات شارلاپايەۆ حابارلادى، دەپ حابارلايدى Kazinform اگەنتتىگىنىڭ ءتىلشىسى، infohub.kz سايتى حابارلايدى.
ۆەدومستۆونىڭ مالىمەتىنشە، جىل سوڭىنا دەيىن ءوسىمدى بولات قۇيۋ كاسىپورىندارىنىڭ (Qarmet اق، «كسپ ستيل» ج ش س، Shymkent Temir ج ش س، Ferrum Vtor ج ش س، «كازفەرروستال» ج ش س، Forever Flourishing (Middle Asia) Pty LTD ج ش س) ءونىم كولەمىن 4 ملن تونناعا دەيىن (3،923 ملن توننادان 4 ملن تونناعا)، جالپاق پروكاتتى 2،6 ملن تونناعا دەيىن (2،456 ملن توننادان 2،550 ملن تونناعا) جانە Qarmet-تە شويىن ءوندىرىسىن 3 ملن تونناعا دەيىن (2،865 ملن توننادان 2،950 ملن تونناعا) ارتتىرۋ ەسەبىنەن قامتاماسىز ەتۋ جوسپارلانۋدا.
مىس بويىنشا ءوسىم كولەمى (419 مىڭ توننادان 452 مىڭ تونناعا دەيىن) «كازسينك» ج ش س (114،2%، 42 مىڭ توننادان 48 مىڭ تونناعا)، «قازاقمىس كورپوراسياسى» (114%، 214 مىڭ توننادان 244 مىڭ تونناعا) جانە «KazMinerals توبى» (100%، 121 مىڭ توننا) ەسەبىنەن قامتاماسىز ەتىلەدى. مىرىش (101%، 280 مىڭ توننادان 285 مىڭ تونناعا) جانە قورعاسىن (101%، 95 مىڭ توننادان 97 مىڭ تونناعا) بويىنشا «كازسينك» ج ش س، ال اليۋميني بويىنشا 1% «كەز» اق (261 مىڭ توننادان 265 مىڭ تونناعا) ەسەبىنەن قامتاماسىز ەتىلەدى.
«ورتا مەرزىمدى پەرسپەكتيۆادا 2029 جىلعا دەيىن اباي وبلىسىنداعى جاڭا مىس بالقىتۋ زاۋىتى جوباسىن ىسكە اسىرۋ ەسەبىنەن مىس ءوندىرىسىنىڭ كولەمىن 450 مىڭ توننادان 1 ملن تونناعا دەيىن ەكى ەسە ارتتىرۋ جوسپارلانۋدا»، — دەدى قانات شارلاپايەۆ.
ول سونداي-اق جوبانىڭ ىسكە اسىرىلۋى ەكسپورتتالاتىن مىس كونسەنتراتىنىڭ بارلىق كولەمىن قايتا وڭدەۋگە مۇمكىندىك بەرەتىنىن اتاپ ءوتتى.
بولات ءوندىرىسى Qarmet ءجشس-نى كەڭەيتۋ، سونداي-اق قۋاتى 1،2 ملن توننا بولاتىن ارنايى ماقساتتاعى بولات ءوندىرۋ بويىنشا جاڭا جوبالاردى («قازاقستال») ىسكە اسىرۋ ەسەبىنەن 10 ملن تونناعا دەيىن ارتادى.
سونداي-اق ERG كومپانياسى BAOWU Steel كومپانياسىمەن بىرلەسىپ، رۋدنىي قالاسىندا تەمىر كەنى شيكىزاتىن تەرەڭدەتىپ وڭدەۋدى ىسكە قوسۋدى جوسپارلاپ وتىر. ىستىق بريكەتتەلگەن تەمىر ءوندىرىسى بولات قۇيۋ وندىرىستەرى ءۇشىن 100% شيكىزات بازاسىن قامتاماسىز ەتەدى.