2022 جىلعى قايعىلى قاڭتار وقيعاسىنان ءتورت جىل وتكەن سوڭ قازاقستاننىڭ قۇقىق قورعاۋ ورگاندارى زاڭسىز جاسىرىلعان قارۋدى تابۋدا، دەپ حابارلايدى infohub.kz سايتى.
سوتتالعان ادامنان الىنعان جەدەل اقپاراتتى ىسكە اسىرۋ بارىسىندا قىلمىستىق-اتقارۋ جۇيەسى كوميتەتىنىڭ №22 مەكەمەسى جەدەل ءبولىمىنىڭ قىزمەتكەرلەرى، مامانداندىرىلعان پروكۋراتۋرا مەن شىعىس قازاقستان وبلىسى بويىنشا ۇقك دەپارتامەنتىنىڭ 5-باسقارماسى ۇيلەستىرۋىمەن، الماتىنىڭ ناۋرىزباي اۋدانى اۋماعىندا قارۋ-جاراق پەن وق-دارىلەر قويماسىن تاپتى.
الدىن الا مالىمەتتەر بويىنشا، بۇل جاسىرىن قويما 2022 جىلعى قاڭتار وقيعالارى كەزىندە جابدىقتالعان جانە ۇزاق ۋاقىت بويى قۇقىق قورعاۋ ورگاندارىنا بەلگىسىز بولىپ قالعان بولۋى مۇمكىن.
قاراۋ بارىسىندا تەگىس ۇڭعىلى مىلتىق پەن وق-دارىلەر الىندى. قارۋ سوت-بالليستيكالىق ساراپتاماعا جىبەرىلدى. قارۋدىڭ شىعۋ تەگى مەن ونى جاسىرۋعا قاتىسى بار ادامداردى انىقتاۋ ءۇشىن تەرگەۋ جانە جەدەل-ىزدەستىرۋ شارالارى جۇرگىزىلۋدە.
«جىلدار وتسە دە جەدەل جۇمىس ناتيجە بەرۋدى جالعاستىرۋدا. سوتتالعاندارمەن جۇمىس بارىسىندا الىنعان اقپارات بۇرىنعى جىلدارداعى قىلمىستاردى اشۋعا، قارۋ-جاراق قويمالارىن تابۋعا جانە قوعامدىق قاۋىپسىزدىككە تونەتىن ىقتيمال قاتەرلەردىڭ الدىن الۋعا ءجيى كومەكتەسەدى»، – دەدى شىعىس قازاقستان وبلىسى بويىنشا قاج دەپارتامەنتىنىڭ رەسمي وكىلى سالتانات وجيكانوۆا.