ونلاين بيلەت ساتۋ سەرۆيسىنىڭ سايتىندا امەريكاندىق رەپەر كانە ۋەستىڭ (Ye) كونسەرتى جاريالاندى. ۇيىمداستىرۋشىلار مەن بيلەت سەرۆيسى ونەرپازدىڭ قويىلىمى تۋرالى اقپاراتتى جاريالادى، الايدا رەپەردىڭ رەسمي كەستەسىندە كونسەرت ازىرگە جوق، دەپ حابارلايدى infohub.kz.
قويىلىم الماتىداعى ورتالىق ستاديوندا وتەدى. بيلەت ساتىلىمى 20 شىلدەدە باستالادى. باعالار ساناتقا قاراي 120 مىڭنان 350 مىڭ تەڭگەگە دەيىن وزگەرەدى.
الداعى كونسەرت تۋرالى كانە ۋەستپەن YEEZY جوبالارى مەن مۋزىكالىق مەنەدجمەنت بويىنشا ىنتىماقتاساتىن مەنەدجەر دجوزەف كاررە دە حابارلادى. ول Instagram-ستوريستە الماتىداعى قويىلىم تۋرالى انونس جاريالادى.
الايدا كانە ۋەستىڭ كونسەرت كەستەسى جاريالانعان رەسمي سايتىندا قازاقستانداعى قويىلىم تۋرالى اقپارات ازىرگە جوق.
ايتا كەتەيىك، كانە ۋەستتىڭ ەڭ ۇلكەن جانجالى ونىڭ انتيسەميتتىك مالىمدەمەلەرى مەن گيتلەردى كوپشىلىك الدىندا ماداقتاۋىنا بايلانىستى. ونىڭ مالىمدەمەلەرى مەن سۆاستيكاسى بار فۋتبولكالاردى ساتۋى سەبەپتى ەۋروپانىڭ كوپتەگەن ەلدەرى (ونىڭ ىشىندە ۇلىبريتانيا مەن پولشا) ونىڭ كونسەرتتەرىن توقتاتا باستادى، ال حالىقارالىق برەندتەر ونىمەن كەلىسىمشارتتاردى بۇزدى.
بۇعان دەيىن سوت اكمالدىڭ كۇشى جويىلعان كونسەرتى ءۇشىن قازاقستاندىقتارعا ميلليونداعان تەڭگەنى قايتارۋدى مىندەتتەگەن ەدى.