كانە ۋەستتىڭ الماتىداعى كەيىنگە شەگەرىلگەن كونسەرتىنىڭ ۇيىمداستىرۋشىلارى كورەرمەندەرگە ورتالىق ستاديوننىڭ اشىلۋ ۋاقىتىن ەسكە سالدى، دەپ حابارلايدى infohub.kz.
Fist Media Group مالىمەتىنشە، كورەرمەندەردى كىرگىزۋ 16:00-دە باستالادى. 14 تامىزعا ساتىپ الىنعان بارلىق بيلەتتەر 15 تامىزداعى شوۋعا جارامدى.
الماتى اكىمدىگى قوعامدىق كولىك قوزعالىسىندا ۋاقىتشا وزگەرىستەر بولاتىنىن ەسكەرتتى. 16:00-دەن تۇنگى 12:00-گە دەيىن ستاديون ماڭىندا اۆتوكولىكتەرگە شەكتەۋلەر قويىلادى، ال 32 اۆتوبۋس باعىتى وزگەرىسكە ۇشىرايدى.
ەسكە سالايىق، كونسەرت 14 تامىزدا ءوتۋى كەرەك ەدى، ءبىراق اۋا رايىنا بايلانىستى ءبىر تاۋلىككە شەگەرىلدى. شوۋ باستالار الدىندا قالادا ورتالىق ازيا ەنەرگوجۇيەسىنەن ەلەكتر قۋاتىنىڭ كۇرت وزگەرۋىنەن تۋىنداعان ءىرى بلەكاۋت بولدى. وسىعان قاراماستان، ۇيىمداستىرۋشىلار كورەرمەندەردى كىرگىزۋدى جالعاستىردى، الايدا كونسەرتكە ءبىر ساعات قالعاندا كۇندىزگى ىستىق داۋىل مەن نايزاعايعا ۇلاستى.