كاپشاعاي سۋ قويماسىنىڭ سولتۇستىك جاعالاۋىنداعى قونايەۆ قالاسىندا 2015 جىلى تۋعان قىزدى شومىلۋ كەزىندە تولقىن اعىزىپ اكەتتى. قۇتقارۋشىلار وعان دەرەۋ كومەككە كەلدى، دەپ حابارلايدى infohub.kz.
توتەنشە جاعدايلار مينيسترلىگىندەگىلەردىڭ ايتۋىنشا، وقيعا "الماتينسكايا" دەمالىس ايماعى ماڭىنداعى سۋ ايدىنىن پاترۋلدەۋ كەزىندە بولعان. بالانى جاعادان شامامەن 20 مەتر قاشىقتىققا اعىزىپ اكەتكەن.
"قونايەۆ قالاسىنداعى 28237 اسكەري ءبولىمىنىڭ اسكەري قىزمەتشىسى مەن جەدەل-قۇتقارۋ جاساعىنىڭ قۇتقارۋشىسى بىرلەسىپ، دەرەۋ كومەككە كەلىپ، قىزدى جاعاعا جەتكىزدى"، — دەلىنگەن ۆەدومستۆو حابارلاماسىندا. بالا مەديسينالىق كومەككە مۇقتاج بولمادى. قۇتقارىلعان سوڭ قىزدى اتا-اناسىنا تاپسىردى.
تجم ماماندارى بالالاردى سۋ جاعاسىندا قىسقا ۋاقىتقا بولسا دا قاراۋسىز قالدىرۋعا بولمايتىنىن ەسكەرتتى. "قاراپايىم قاۋىپسىزدىك ەرەجەلەرىن ساقتاۋ قايعىلى وقيعانىڭ الدىن الۋعا كومەكتەسەدى"، — دەپ اتاپ ءوتتى ۆەدومستۆو وكىلدەرى.