قاراعاندىدا سوڭعى تاۋلىكتە پوليسەيلەردىڭ شەتەلدىك تۋريستەرمەن ەكى ەرەكشە كەزدەسۋى بولدى، دەپ حابارلايدى infohub.kz سايتى.
ءىىم اقپاراتتىق مەدياپورتالىنىڭ مالىمەتىنشە، 24 تامىزدا پاترۋلدىك پوليسەيلەر قالا بويىنشا ساعاتىنا 30 كم-دەن از جىلدامدىقپەن قوزعالعان BYD اۆتوكولىگىن بايقاعان. ءتارتىپ ساقشىلارى كولىكتى توقتاتىپ، جۇرگىزۋشىگە كومەك قاجەت بولۋى مۇمكىن دەپ بولجاعان. رولدە مالايزيا ازاماتشاسى وتىرعان، ول جولداستارىمەن بىرگە الەمدى ارالاپ، قىتايعا بەت العان. اڭگىمە بارىسىندا تۋريست قازاقستاندىق پوليسەيلەردىڭ ونىمەن اعىلشىن تىلىندە ەركىن سويلەسىپ، قالادا باعىت-باعدار بەرۋىنە تاڭ قالعان.
باياۋ ءجۇرۋ سەبەبى — كولىكتىڭ اقاۋى ەمەس، ەلەكتروموبيل بولعاندىقتان، ساياحاتشىلار زاريادتى ۇنەمدەگەن ەكەن. پوليسەيلەر قوناقتارعا قايدا توقتاپ، تاماقتانۋعا بولاتىنىن ايتىپ، اق جول تىلەگەن.
ال بۇگىن تاڭەرتەڭ پاترۋلدىكتەر بۇقار جىراۋ داڭعىلىندا قولىنا چەمودان العان قىزدى بايقاعان. ول قىتايدان كەلگەنى بەلگىلى بولعان. قوناق تۇنەۋگە ورىن تابۋ قيىندىق تۋدىرعانىن ايتقان. پوليسەيلەر وعان تۇرۋعا ورىن تابۋعا كومەكتەسكەن.
الدا — ديماش قۇدايبەرگەننىڭ قاتىسۋىمەن وتەتىن كونسەرت، ول قالاعا تەك قازاقستاننان عانا ەمەس، باسقا ەلدەردەن دە جانكۇيەرلەردى تارتۋى مۇمكىن.