الەۋمەتتىك جەلىلەردە قاراعاندىداعى سۋپەرماركەت ماڭىندا جاپپاي ۇستالۋدىڭ بەينەجازباسى قىزۋ تالقىلانۋدا. كادرلاردا اسفالتقا بەتىن تومەن جاتقان بىرنەشە ادام مەن ارنايى قىزمەت قىزمەتكەرلەرى كورىنەدى. پايدالانۋشىلار وقيعانىڭ سەبەبىنە قىزىعۋشىلىق تانىتۋدا، دەپ حابارلايدى infohub.kz سايتى.
«وندا نە بولدى؟»، «ۇستالۋدىڭ سەبەبىن كىم ايتادى؟»، « قىزىق، نە بولدى ەكەن؟»، «اقپارات كۇتەمىز»، — دەپ جازۋدا پىكىر بىلدىرۋشىلەر.
قاراعاندى وبلىسى پوليسيا دەپارتامەنتىنىڭ تۇسىندىرۋىنشە، 22 شىلدەدە پوليسياعا قالاداعى سۋپەرماركەتتەردىڭ ءبىرىنىڭ جانىندا جاستار توبى جينالىپ، ارالارىندا جانجال تۋىنداۋى مۇمكىن ەكەندىگى تۋرالى حابارلاما تۇسكەن. پوليسيا قىزمەتكەرلەرى دەرەۋ وقيعا ورنىنا بارىپ، قۇقىققا قايشى ارەكەتتەردىڭ الدىن الىپ، جاعدايدىڭ وربۋىنە جول بەرمەگەن. بارلىق ءمان-جايدى انىقتاۋ ءۇشىن اۋماقتىق پوليسيا بولىمىنە 16 ادام جەتكىزىلدى. ءقازىر تەكسەرۋ جۇرگىزىلىپ، ناتيجەسىندە ءتيىستى پروسەسسۋالدىق شەشىم قابىلدانادى.
ۆەدومستۆو قوعامدىق ءتارتىپتى بۇزۋعا باعىتتالعان كەز كەلگەن ارەكەتتەر ەرەكشە باقىلاۋدا ەكەنىن ەسكەرتتى. پوليسەيلەر بۇدان بىلاي دا وسىنداي حابارلامالارعا جەدەل دەن قويىپ، ازاماتتاردىڭ قاۋىپسىزدىگىن قامتاماسىز ەتۋ ءۇشىن قاجەتتى شارالاردى قولداناتىن بولادى.