بىرەۋلەر پيسساداعى اناناستى تالقىلاپ جاتسا، الەۋمەتتىك جەلىدە ەرەكشە تاعام – ناننىڭ ورنىنا قاربىز سالىنعان كلاب-سەندۆيچ تانىمال بولا باستادى، دەپ حابارلايدى infohub.kz سايتى.
بۇل سەندۆيچ وتە شىرىندى، جەڭىل جانە ىستىقتا كەرەك. يدەيا جاڭا ەمەس، ءبىراق بيىل جازدا ول قايتادان تانىمال بولىپ وتىر. پايدالانۋشىلار ناندى قالىڭ قاربىز تىلىمدەرىمەن الماستىرىپ، ىشىنە ىرىمشىك، جاسىل جەلەك جانە باسقا دا سالمالار سالادى.
الماتىدا دايىن قاربىز سەندۆيچتەرى ساتىلادى. ولاردىڭ قاتارىندا: فەتا ىرىمشىگى، رۋككولا جانە بالزاميك ءدامى بار «گرەك قاربىزى» – 2990 تەڭگە، سونداي-اق جەرگىلىكتى ەكسكليۋزيۆ «جىلقى ەتى قوسىلعان قاربىز» – 3990 تەڭگە.
پايدالانۋشىلار رەسەپتتەرمەن بولىسەدى. ەڭ تانىمال نۇسقاسى كاپرەزە سالاتىن ەسكە تۇسىرەدى: قاربىز تىلىمدەرىنىڭ اراسىنا فەتا نەمەسە موسارەللا، رۋككولا، ناسىبايگۇل جاپىراقتارى، چەرري قىزاناقتارى سالىنىپ، ۇستىنە بالزاميك سوۋسى قۇيىلادى. كەيبىرەۋلەر تۇزدالعان قيار، ءزايتۇن، حالاپەنو نەمەسە پروشۋتتو قوسادى. ءتاتتى قاربىز بەن تۇزدى ىرىمشىكتىڭ ۇيلەسىمى جەرورتا تەڭىزى اسحاناسىندا بۇرىننان بەلگىلى، سوندىقتان كوپشىلىك ءدامىن ءۇناتىپ جاتىر.
پىكىرلەر ەكىگە ءبولىندى: اسپازدىق «شەدەۆر» داۋ تۋدىردى. madebynastiaa اتتى تيكتوك قولدانۋشىسى رەسەپتىمەن ءبولىستى: «قاربىز بەن فەتانى تەگىس تىكبۇرىش ەتىپ تۋراڭىز، قىزىل پيازدى جارتى ساقينا تۇرىندە كەسىڭىز. قاربىزدىڭ ءبىر جارتىسىنا فەتا، قىزىل پياز، رۋككولا سالىپ، بالزاميك قۇيىڭىز، ازداپ تۇزداپ، ەكىنشى جارتىسىمەن جابىڭىز». كەيبىر پىكىر بىلدىرۋشىلەر كۇمانمەن قارايدى: «ءقازىر بۇل تانىمال بولدى، سەندەر كەز كەلگەن نارسەنى جەي بەرەسىڭدەر مە؟» جانە «ادامداردىڭ تالعامى-اي». باسقالارى قولدايدى: «كەيبىر تاعامداردى قاربىزبەن بىرگە جەسەڭ ءدامدى بولادى، مەن دە سولاي جەيمىن. بۇل دا ءدامدى كورىنەدى».
بۇعان دەيىن قازاقستان اۋىل شارۋاشىلىعى مينيسترلىگى حيميكاتتار مەن ءوسۋ ستيمۋلياتورلارى بولۋى مۇمكىن ەرتە قاربىزداردى ساتىپ الۋدان باس تارتۋعا شاقىرعان بولاتىن. اۋىل شارۋاشىلىعى ۆيسە-مينيسترى ازات سۇلتانوۆتىڭ ايتۋىنشا، قازاقستاندىق قاربىزداردى شىلدەنىڭ سوڭىنان قىركۇيەككە دەيىن ساتىپ العان ءقاۋىپسىز.