ءقوناقۇي بولمەسىندەگى جاستىق ۇستىندەگى شوكولاد كوپتەن بەرى پرەميۋم قىزمەتتىڭ اجىراماس بەلگىسى سانالىپ كەلەدى. الايدا بۇل ءداستۇردىڭ ناقتى اۆتورى بار — گولليۆۋدتىق اكتەر كەري گرانت، دەپ حابارلايدى infohub.kz سايتى.
قوناقتىڭ توسەگىنە ءتاتتى قالدىرۋ ادەتى گولليۆۋد جۇلدىزىنىڭ رومانتيكالىق قىلىقتارىنىڭ ارقاسىندا پايدا بولعان، دەپ جازادى People پورتالى.
1950 جىلداردىڭ باسىندا كەري گرانت سەنت-لۋيستەگى Mayfair قوناقۇيىنە توقتاعان. ول كەزدە اكتەر ءۇشىنشى ايەلى بەتسي درەيكپەن نەكەدە جۇرگەن، ءبىراق پەنتحاۋستا جاسىرىن تۇردە سۇيىكتىسىمەن كەزدەسۋ ۇيىمداستىرىپ، وعان رومانتيكالىق توسىن سىي جاساماق بولعان.
حانىمدى تاڭقالدىرۋ ءۇشىن گرانت قوناق بولمەدەن توسەككە دەيىن سوزىلىپ جاتقان شوكولاد كامپيتتەرىنەن جول سالىپ، سوڭعى كامپيتتى ماحاببات حاتىمەن بىرگە جاستىققا قويعان. جۇلدىزدىڭ جاسىرىن سەرىكتەسىنىڭ ەسىمى بەلگىسىز كۇيى قالدى، الايدا اكتەردىڭ ەرەكشە قىلىعى ءقوناقۇي مەڭگەرۋشىسىنىڭ كوزىنەن تاسا قالمادى.
مەڭگەرۋشى مۇنداي نازار بەلگىسى بارلىق قوناققا ارنالعان تاماشا فيرمالىق قىزمەتكە اينالادى دەپ شەشىپ، بارلىق بولمەلەردەگى جاستىققا شوكولاد قويۋدى بۇيىردى. كوپ ۇزاماي بۇل يدەيانى الەمنىڭ ليۋكس قوناقۇيلەرى قابىلداپ، اكتەردىڭ جاسىرىن رومانتيكالىق كەزدەسۋىن الەمدىك ءقوناقۇي يندۋسترياسىنىڭ اڭىزعا اينالعان داستۇرىنە اينالدىردى.