نوتتينگەم ۋنيۆەرسيتەتىنىڭ عالىمدارى ءتىس ەمالىن قالپىنا كەلتىرۋدى ىنتالاندىراتىن يننوۆاسيالىق گەل جاسادى. بۇل پرەپارات كاريەستىڭ الدىن الىپ، ءتىس سەزىمتالدىعىن تومەندەتە الادى، دەپ حابارلايدى infohub.kz سايتى.
زەرتتەۋ ناتيجەلەرى Nature Communications جۋرنالىندا جاريالاندى. فارماسيا مەكتەبى مەن حيميالىق جانە ەكولوگيالىق ينجەنەريا دەپارتامەنتىنىڭ قىزمەتكەرلەرى جاساعان بۇل ءونىم بالالىق شاقتا جۇرەتىن ءتىس ەمالىنىڭ تابيعي قالىپتاسۋ ءۇردىسىن قايتالايدى.
ءداستۇرلى قۇرامداردان ايىرماشىلىعى، جاڭا ونىمدە فتور جوق. ول اقۋىزداردان تۇرادى، جاعىلعاننان كەيىن ميكروترەششينالار مەن كەۋەكتەردى تولتىراتىن جۇقا قابات تۇزەدى. گەل سىلەكەيدەن كالسي مەن فوسفات يوندارىن تارتىپ الىپ، ەپيتاكسيالدى مينەرالدانۋ پروسەسسىن ىسكە قوسادى. ناتيجەسىندە جاڭا كريستالدار ءتىستىڭ قۇرىلىمىنا ساي وسەدى.
جۇمىستىڭ ءبىرىنشى اۆتورى ابشار حاسان قالپىنا كەلتىرىلگەن ەمالدىڭ كۇندەلىكتى جۇكتەمەنى يميتاسيالايتىن سىناقتاردان – ءتىس تازالاۋ، شايناۋ جانە قىشقىل تاعام اسەرىنەن ءساتتى وتكەنىن اتاپ ءوتتى. زەرتتەۋ جەتەكشىسى الۆارو ماتا Mintech-Bio ستارتاپى تەحنولوگيانى كوممەرسيالاندىرۋعا دايىندىقتى باستاعانىن حابارلادى.