«اك التىنالماس» اق قۇرامىنداعى «پۋستىننوە» كەن بايىتۋ كومبيناتى اۋماعىندا 23 شىلدەدە ساعات 11:30 شاماسىندا اجالمەن اياقتالعان وقىس وقيعا بولدى، دەپ حابارلايدى infohub.kz سايتى.
كومپانيادا «پۋستىننوە» كەن بايىتۋ كومبيناتىنىڭ كۆد زيف ءبولىمىنىڭ كونۆەيەر ءماشينيسى كارىم رىمباەۆتىڭ قازا تاپقانىن حابارلادى.
«وقيعانىڭ سەبەپتەرى مەن ءمان-جايلارىن ۋاكىلەتتى ورگاندار انىقتاپ جاتىر»، — دەلىنگەن كومپانيانىڭ رەسمي حابارلاماسىندا.
«اك التىنالماس» قازا تاپقان ادامنىڭ تۋىستارىنا، جاقىندارىنا جانە ارىپتەستەرىنە كوڭىل ايتتى.
«كومپانيا وتباسىنا بارلىق قاجەتتى كومەك پەن قولداۋ كورسەتەدى»، — دەپ اتاپ ءوتتى حابارلامادا.
سونداي-اق كومپانيا وقيعا تۋرالى تەكسەرىلمەگەن اقپاراتتى تاراتپاۋعا شاقىردى.
«وقيعانىڭ ناقتى ءمان-جايىن بۇرمالايتىن جانە ۇيىمنىڭ ىسكەرلىك بەدەلىنە نۇقسان كەلتىرۋى مۇمكىن انىق ەمەس نەمەسە تەكسەرىلمەگەن اقپاراتتى تاراتۋ قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە اكەپ سوعۋى مۇمكىن»، — دەپ مالىمدەدى «اك التىنالماس».
كومپانيا تەك قانا ۋاكىلەتتى مەملەكەتتىك ورگاندار مەن كاسىپورىننىڭ ءباسپاسوز قىزمەتى بەرەتىن رەسمي اقپاراتتى باسشىلىققا الۋدى سۇرادى.