قازاقستان قاشاعان مۇناي كەن ورنىنىڭ وپەراتورى NCOC كومپانياسى باسشىلىعىنا ەكولوگيالىق ايىپپۇلدى تولەمەگەنى ءۇشىن اكىمشىلىك جانە قىلمىستىق جاۋاپكەرشىلىككە تارتىلۋى مۇمكىن ەكەندىگى تۋرالى ەسكەرتتى، دەپ حابارلايدى Reuters، - دەلىنگەن infohub.kz اقپاراتىندا.
Reuters دەرەگىنشە، رەسپۋبليكا ادىلەت مينيسترلىگى NCOC باسقارۋشى ديرەكتورى دجانكارلو رۋيۋعا زاڭ تالاپتارىن ورىنداماعانى ءۇشىن جاۋاپكەرشىلىككە تارتىلۋى مۇمكىن ەكەندىگى تۋرالى رەسمي ەسكەرتۋ جولداعان. ماسەلە 2023 جىلى كۇكىرت ساقتاۋ كولەمىنىڭ رۇقسات ەتىلگەن شەكتەن اسقانى ءۇشىن ەسەپتەلگەن 2،3 تريلليون تەڭگە (شامامەن 4،9 ميلليارد دوللار) كولەمىندەگى ايىپپۇلعا قاتىستى.
قاشاعان وپەراتورى تالاپتاردى مويىندامايدى. NCOC جانە كونسورسيۋمعا قاتىسۋشى كومپانيالار (Shell، Eni، TotalEnergies، ExxonMobil) ايىپپۇلدى نەگىزسىز دەپ سانايدى. داۋ حالىقارالىق تورەلىكتە قارالۋدا. كومپانيالار ءىس اياقتالمايىنشا ءوندىرىپ الۋ جۇزەگە اسپاۋى كەرەك ەكەنىن العا تارتادى.
وتكەن اپتادا ادىلەت مينيسترلىگى وپەراتوردىڭ ايىپپۇلدى دۇيسەنبىگە دەيىن ەرىكتى تۇردە تولەي الاتىنىن، ايتپەسە ماجبۇرلەپ ءوندىرىپ الۋ ءراسىمى باستالىپ، قارىز سوماسىنا 10% قوسىمشا الىم سالىناتىنىن حابارلادى.
كۇكىرت – مۇناي ءوندىرۋ مەن دايىنداۋدىڭ قوسالقى ءونىمى. قاشاعان تاۋلىگىنە شامامەن 430-450 مىڭ باررەل مۇناي وندىرەدى، بۇل قازاقستانداعى كولەمى بويىنشا ەكىنشى كەن ورنى. بۇعان دەيىن بۇۇ-نىڭ UNCITRAL تورەلىگى NCOC-تان ايىپپۇلدى ماجبۇرلەپ ءوندىرىپ الۋ مۇمكىندىگىن شەكتەگەن بولاتىن.
NCOCء-تىڭ اكسيونەرلەرى: KMG Kashagan B.V. (16،877%)، Shell Kazakhstan Development B.V. (16،807%)، Total EP Kazakhstan (16،807%)، Agip Caspian Sea B.V. (16،807%)، ExxonMobil Kazakhstan Inc. (16،807%)، CNPC Kazakhstan B.V. (8،333%) جانە Inpex North Caspian Sea Ltd. (7،563%).