18 جاسار ازامات دۇيسەحانوۆ ءوزىنىڭ تۋعان كۇنىندە دوستارىمەن دەمالىپ ءجۇرىپ جوعالعان ەدى. ونىڭ ءمايىتى اقتاۋ جاعالاۋىنان تابىلدى، دەپ حابارلايدى infohub.kz.
ماڭعىستاۋ وبلىسى توتەنشە جاعدايلار دەپارتامەنتىنىڭ مالىمەتىنشە، ىزدەۋ-قۇتقارۋ جۇمىستارى كاسپي تەڭىزىنىڭ جابدىقتالماعان جاعالاۋ بولىگىندە جۇرگىزىلگەن. جىگىتتىڭ دەنەسى 15 شىلدەدە اقتاۋدان 51 شاقىرىم قاشىقتىقتا، جاعادان شامامەن 10 مەتر جەردە تابىلدى.
قۇتقارۋشىلار قايتىس بولعان جىگىتتى سۋدان الىپ، پوليسيا قىزمەتكەرلەرىنە تاپسىردى.
ەسكە سالا كەتەيىك، ازامات دۇيسەحانوۆ 7 شىلدە كۇنى تۇستە O’Mir كۋرورتتىق ءقوناقۇيىنىڭ ماڭىندا جوعالعان بولاتىن. سول كۇنى جىگىت 18 جاسقا تولعان ەدى.